पाकिस्तानको धार्मिकस्थल बाहिर विस्फोट, ६ जनाको मृत्यु
पाकिस्तानको लाहोरस्थित सूफी मुसलमानहरूको एउटा धार्मिक स्थलबाहिर विस्फोट हुँदा ६ जनाको ज्यान गएको छ। उक्त घटनामा परी ६ जनाको ज्यान गएको र धेरै व्यक्ति घाइते भएको बीबीसीले जनाएको छ।
बीबीसीका अनुसार प्रहरीको एउटा गाडीलाई आक्रमणको तारो बनाइेको जनाएको छ। प्रारम्भिक विवरणहरूका अनुसार दाता दरबार सुफी दरगाहनजिकै विस्फोटन भएको थियो।
मुस्लिमहरूको पवित्र महिना रमजान सुरु भएपछि यो आक्रमण भएको हो। सो दरगाह दक्षिण एशियामा भएको एउटा पुरानो सूफी धार्मिक स्थल हो। यसबारे पूर्ण विरण आउँन बाँकी छ।