के यो मोदीको चुनावी –यालीको हो यो तस्बिर ? यस्तो छ वास्तविकता
प्रकाशित मिति : बैशाख ५, २०७६ बिहीबार
बीबीसी
फेसबुक र ट्वीटरमा यो एरियल फोटोग्राफ भारतीय प्रधानमन्त्री नरेन्द्र मोदीको पश्चिम बंगालमा भएको चुनावी जनसभा बताएर सेयर गरिँदैछ ।
दक्षिणपन्थी रुझान भएको सोसल मिडिया ग्रुपमा केही मानिसहरुले यो तस्बिर पश्चिम बंगालमा ११ अप्रिलमा भएको पहिलो चरणको मतदान अघिको दाबी गरिरहेका छन् ।
धेरैजसो सोसल मिडिया प्रयोगकर्ताले यो तस्बिरलाई मोदीको कूच विहारमा भएको चुनावी –याली बताइरहेका छन् ।
नरेन्द्र मोदी २०१९ नामको पब्लिक ग्रुपमा एक प्रयोगकर्ताले लेखे, ‘यो पश्चिम बंगालमा भाजपाका –यालीको दृश्य हो । कूच बिहारको –याली । आज त ममता बनर्जीको निन्द्रा नै गायब भयो होला ।’
भाजपा अध्यक्ष अमित शाहले पश्चिम बंगाल भाजपालाई राज्यको ४२ मध्ये कम्तीमा २३ सिट जित्ने लक्ष्य दिएका छन् ।
पार्टीका वरिष्ठ नेता अनुसार भाजपाका केन्द्रीय नेतृत्व यसपटक पश्चिम बंगालमा विशेष ध्यान दिइरहेको छ ।
तर यो भाइरल फोटो मोदीको –याली नभएको बीबीसीले पत्ता लगाएको छ ।
यो तस्बिरको भारतीय जनता पार्टीको कुनै पनि कार्यक्रमसँग सम्बन्ध छैन ।
तस्बिरको वास्तविकताः
पश्चिम बंगालको कूच बिहारमा मोदीले ७ अप्रिल २०१९ मा चुनावी जनसभा गरेका थिए ।
तर रिवर्स इमेज सर्चबाट पत्ता लागेअनुसार जुन भाइरल तस्बिरलाई मोदीको –याली बताइएको छ त्यसलाई सन् २०१५ मा पहिलो पटक इन्टरनेटमा अपलोड गरिएको थियो ।
आफ्नो अनुसन्धानमा बीबीसीले यो तस्बिर भारतको नभई थाइल्याण्डको मध्यमा रहेको समुत साखोन प्रान्तको बताएको छ ।
यो तस्बिरमा बौद्ध धर्मका प्रचार–प्रसार गर्ने वेबसाइट ‘डीएमसी डट टिभी’ ले २६ अक्टोबर २०१५ मा पोष्ट गरेको थियो ।
डिएमसी अर्थात् ‘धम्म मेडिटेशन बुद्धिज्म’ एक मिडिया नेटवर्क हो । यो वेबसाइट अनुसार यसले बौद्ध धर्मसँग जोडिएका सांस्कृतिक कार्यक्रम सार्वजनिक गर्छ ।
करिब २० लाख बौद्धको समारोहः
डिएमसीका अनुसार थाइल्याण्डमा बौद्ध धर्म मान्नेहरुले ‘भिक्षा–अर्पण गर्ने एउटा ठूलो उत्सव’ को आयोजना गर्छ ।
सन् २०१५ मा भएको यस्तै प्रकारको एउटा आयोजना थियो जसमा करिब १० हजार बौद्ध भिक्षु समावेश भएका थिए ।
यो कार्यक्रममा संलग्न हुनेहरुको संख्या करिब २० लाख बताइएको छ ।
वेबसाइट अनुसार थाइल्याण्डको ९ बढी प्रान्तका बौद्ध भिक्षु, सरकारी कर्मचारी र सैनिक यो कार्यक्रममा पुगेका थिए ।
२६ अक्टोबर २०१५ मा डिएमसी डट टिभीले यो विशाल आयोजनाको करिब ७० अन्य तस्बिर पनि पोष्ट गरेका थिए ।
वेबसाइटका अनुसार यो सांस्कृतिक कार्यक्रमको आयोजना समुत साखोन सेन्ट्रल स्टेडियमको अगाडिको सडकमा भएको थियो ।
गुगल अर्थ वेबसाइटको मद्दतले नै बीबीसीले ‘डिएमसी डट टिभी’ वेबसाइटका यो समारोहको लोकेशनसँग जोडिएको दाबीको पुष्टि गर्यो ।
बीबीसीले स्ट्रीट भ्यूमार्फत उक्त बिल्डिङबारे सर्च गर्यो जुन भाइरल तस्बिरमा देखिन्छ ।
पहिले पनि गरिएको थियो गलत दाबीः
सोसल मिडियामा यो तस्बिरलाई गलत सन्दर्भसहित सेयर गरिएको यो पहिलो घटना होइन ।
सन् २०१८ मा पनि यो तस्बिरलाई ‘भारतीय हिन्दुको तस्बिर बताएर सेयर गरिएको थियो ।
तर थाइल्याण्डको यो फोटोसहित गरिएको यो सबै दाबी गलत हो ।
