बुबासँग काम गर्न किन डराईन, आलिया
सञ्जय दत्त र पूजा भट्ट स्टारर फिल्म ‘सडक’को सिक्वल बनाउने तयारी भैरहेको छ । महेश भट्टले निर्देशन गर्ने फिल्ममा उनको छोरी आलिया भट्ट लिड रोल गर्दैछिन् ।
आलियाले पहिलो पटक आफनो बुबाको निर्देशनमा काम गर्न लागेकी हुन् । आलियाले बुबाको निर्देशनमा काम गर्न थोरै डर लागेको बताएकी छन् ।
उनले भनिन्, ‘बुबासँग दिनकै सम्पर्कमा रहँदा पनि ‘सडक २’ मा यात्रा सुरु गर्नु भन्दा पहिला थोरै डराईरहेको छु ।’ उनले थपिन् ‘मैंले आफनो अगाडि एक पर्खाल बनाए भन्ने मेरो बुबा सोच्नु हुन्छ ।
जसलाई उहाँ तोड्न चाहनु हुन्छ ।’ सन् १९९१ मा बनेको रोमान्टिक फिल्म सडक महेश भट्टले निर्देशन गरेका थिए । महेश भट्ट बीस वर्ष पछि आलियाको लागि निर्देशनमा फर्किएका हुन् ।
‘सडक २’ को केहि समय पछि टीजर रिलिज हुनेछ, भने फिल्म २०२० मार्चमा हुनेछ । फिल्ममा आलियाको साथै आदित्य राय कपूर, पूजा भट्ट, सञ्जय दत्त लगायत कलाकारहरुको अभिनय रहने छ ।