काठमाडौंको १० ठाउँमा बन्दैछ आकाशेपुल
प्रकाशित मिति : बैशाख २३, २०७५ आईतबार
व्यापारिक प्रायोजनका लागि नभई बटुवा आवतजावत गर्ने प्रयोजनका लागि स्टिल स्ट्रक्चरको आकाशेपुल निर्माण गर्न लागेको हो ।
सडक विभागको परामर्शअनुसार साउन महिनादेखि ती पुल निर्माण हुनेछन् । करिब ५ करोड रुपैयाँ लागतमा निर्माण हुन लागेका सबै आकाशेपुल ट्रान्सपरेन्ट हुनेछन् । कामपाले चाबहिल, नयाँ बानेश्वर, कोटेश्वर, माइतीघर, कालिमाटी, गौशाला, बागबजार, त्रिपुरेश्वर, महाराजगञ्ज चोक र बबरमहल गरी १० स्थानमा आकाशेपुल निर्माण गर्न लागेको जनाएको छ । हलिे भएका आकाशेपुल व्यापारिक प्रयोजनका लागि प्रयोग भएकोमा आलोचना खेप्दै आएको कामपाले अब बन्ने सबै पुल ट्रान्सपरेन्ट हुन लागेको बताएको छ ।
हाल रत्नपार्कमा रहेको पुल ट्रान्सपरेन्ट हो । रत्नपार्ककै मोडलमा स्टिल प्रयोग गरी नयाँ पुल बनाउन लागेको महानगरको भनाइ छ ।