पिर्का प्रहार गरी आफ्नै श्रीमानको हत्या
प्रकाशित मिति : पुस १६, २०७४ आईतबार
पुस १६, गोरखा । गोरखाको भीमसेन गाउँपालिका ८ बोर्लाङकी हिरादेवी श्रेष्ठले पिर्काले हानेर आफ्नै श्रीमान्को हत्या गरेकी छिन् ।
शनिबार साँझ घरमै पिर्का प्रहार गरी ६७ वर्षीय श्रीमान् केयरमान श्रेष्ठको हत्या गरेलगत्तै उनी प्रहरी चौकीमा आत्मसमर्पण गर्न पुगेकी हुन् । प्रहरीका अनुसार श्रीमान्सँग भएको घरयासी झगडामा उनले पिर्का प्रहार गरेको बताएकी छिन् ।
पिर्का प्रहारबाट श्रीमान् केयरमानको घटनास्थलमै मृत्यु भएको प्रहरीले बताएको छ ।