अमेरिकी राष्ट्रपति ट्रम्पमाथि गरेका आलोचनाप्रति एलन मस्कलाई पछुतो
प्रकाशित मिति : जेष्ठ २८, २०८२ बुधबार
फोटो : रासस
डलर अर्बपति तथा अमेरिकी राष्ट्रपति डोनाल्ड ट्रम्पका पूर्व सल्लाहकार एलन मस्कले गत हप्ता दुवैबीच सार्वजनिक मतभेदपछि ट्रम्पका लागि आफ्ना हालका केही आलोचनामा पछुतो गरेको बताएका छन् ।
“गत हप्ता राष्ट्रपति डोनाल्ड ट्रम्पका बारेमा मैले गरेको केही पोस्टप्रति मलाई खेद छ । तिनीहरू धेरै बढी गए”, मस्कले आफ्नो सामाजिक सञ्जाल एक्समा लेखे ।
मस्कको पछुतोको अभिव्यक्ति ट्रम्पले टेक अर्बपतिलाई विवादास्पद खर्च विधेयकको पक्षमा मतदान गर्ने रिपब्लिकनहरूलाई सजाय दिन खोजे ‘गम्भीर परिणाम’ भोग्नुपर्ने धम्की दिएको केही दिनपछि आएको हो ।
मुख्यतः गत बिहीबार जनताको अगाडि सामाजिक सञ्जालमा भएको उनीहरूको कटुतापूर्ण बिछोड मस्कले ट्रम्पको तथाकथित ‘ठूलो, सुन्दर’ खर्च विधेयकको कडा आलोचना गरेपछि सुरु भएको थियो । उक्त विधेयक हाल अमेरिकी कांग्रेसमा छ ।
गत वर्षको राष्ट्रपति चुनावमा रिपब्लिकन पार्टीका सबैभन्दा ठूला वित्तीय समर्थकहरू मध्ये एक मस्कलाई विधेयकको विरोध गर्ने केही सांसदले कानूनको पक्षमा मतदान गर्ने रिपब्लिकनहरू विरुद्धको प्राथमिक चुनौतीहरूलाई आर्थिक सहयोग गर्न आह्वान गरेका थिए ।
“यदि उहाँले त्यसो गर्नुभयो भने उहाँले धेरै गम्भीर परिणाम भोग्नुपर्नेछ”, ट्रम्पले शनिबार एनबिसी न्युजलाई भनेका थिए । उनले मस्कलाई ‘अनादरकारी’ पनि बताएका थिए ।