गाजाको अवस्था सुधार नभएसम्म इजरायलबारेको धारणा ‘कडा’ हुनुपर्छ : म्याक्रोन

खसोखास रिपोर्टर

---

प्रकाशित मिति : जेष्ठ १६, २०८२ शुक्रबार

France’s President Emmanuel Macron delivers an address during a reception for members of the French community at the International French School (IFS) in Singapore on May 30, 2025. (Photo by Ludovic MARIN / AFP)

फ्रान्सका राष्ट्रपति इमानुएल म्याक्रोनले गाजाको मानवीय स्थितिमा उचित प्रतिक्रिया नदिएमा युरोपेली देशहरूले इजरायलविरुद्ध ‘सामूहिक स्थिति कडा पार्नुपर्ने’ बताएका छन् ।

गाजामा बढ्दो भोकमरी सङ्कटलाई लिएर इजरायलमाथि अन्तर्राष्ट्रिय दबाब बढ्दै जाँदा म्याक्रोनले ‘आगामी केही घण्टा र दिनहरूमा’ कारबाही आवश्यक रहेको बताए ।

उउले प्यालेस्टिनी राज्यलाई शर्तसहित मान्यता दिनु ‘नैतिक कर्तव्य मात्र नभई, राजनीतिक आवश्यकता रहेको बताए ।

म्याक्रोन दक्षिणपूर्वी एसियाको कूटनीतिक भ्रमणमा छन् । उनले यस हप्ताको सुरुमा भियतनाम र इन्डोनेसियाको भ्रमण पनि गरेका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

जकार्तामा हुँदा म्याक्रोन र इन्डोनेसियाका राष्ट्रपति प्राबोवो सुबिआन्तोले गाजालाई नियन्त्रण लिने इजरायली योजना र ‘प्यालेस्टिनी जनसङ्ख्यालाई आफ्नो मातृभूमिबाट जबरजस्ती हटाउने’ कुनै पनि कदमको निन्दा गर्दै संयुक्त वक्तव्य जारी गरे ।

पेरिसले ‘केही सर्तमा प्यालेस्टिनी राज्यका लागि मान्यताको आन्दोलनलाई अगाडि बढाउने’ आशा गरेको छ । यसमा हमासको विसैन्यीकरण र इजरायलको अस्तित्व र आफ्नो रक्षा गर्ने अधिकारको मान्यता समावेश रहेको म्याक्रोनले इन्डोनेसियाको राजधानीमा बताए ।

दुई महिनाभन्दा बढी इजरायली नाकाबन्दीपछि यस क्षेत्रमा सहायता फिर्ता आउन थालेपछि पनि गाजाको मानवीय अवस्था डरलाग्दो रहेको छ । खाद्य सुरक्षा विज्ञहरूले पाँचमध्ये एक जना मानिस भोकमरीमा परेको बताएका छन् ।

हमासलाई नष्ट गर्ने नयाँ धक्काका रूपमा इजरायलले पनि आफ्नो सैन्य आक्रमणलाई तीव्र बनाएको छ ।