मृत्युदण्डको सजायलाई विस्तार गर्ने ट्रम्पको तयारी
प्रकाशित मिति : पुस १२, २०८१ शुक्रबार
Republican presidential nominee former President Donald Trump arrives to speak during a campaign event at the World Market Center, Friday, Sept.13, 2024, in Las Vegas. (AP Photo/John Locher)
अमेरिकाका नव निर्वाचित राष्ट्रपति डोनाल्ड ट्रम्पले मृत्युदण्डको सजायलाई विस्तार गर्ने बताएका छन ।
उनले आफ्नो चुनावी अभियानमा पनि संघीय मृत्युदण्डको प्रयोग विस्तार गर्ने प्रतिबद्धता जनाएका थिए ।
बच्चाहरूको तस्करीमा संलग्न कोही छन् भने उनीहरूलाई तत्काल मृत्युदण्ड दिनुपर्नेछ । यसमा महिला पनि समावेश हुनेछन ट्रम्पले भनेका छन ।
सेप्टेम्बरमा फक्स न्यूजलाई दिएको अन्तर्वार्तामा ट्रम्पले फेन्टानायलको तस्करी रोक्न मृत्युदण्ड मात्र नै उपाय हो भनेका थिए ।
अक्टोबरमा विस्कन्सिनमा आयोजित एक र्यालीमा ट्रम्पले कुनै पनि आप्रवासीले अमेरिकी नागरिक वा कानून प्रवर्तन अधिकारीको हत्या गरेमा उनलाई मृत्युदण्ड दिनु आवश्यक हुने बताएका थिए ।
संघीय कानुनले पहिलो डिग्री हत्या र कानून प्रवर्तन अधिकारीको हत्याका लागि मृत्युदण्डको व्यवस्था गरिसकेको छ ।
तर संघीय मृत्युदण्डको प्रयोग विस्तार गर्नका लागि कांग्रेसले नयाँ कानुन पारित गर्नुपर्नेछ ।
ट्रम्पले अर्को महिना पद सम्हाल्दा रिपब्लिकनहरूले प्रतिनिधि सभा र सिनेट दुवैमा नियन्त्रण गर्नेछन् ।
तर, मृत्युदण्ड बिस्तार गर्ने जस्ता ठूला कानुन पारित गर्नका लागि डेमोक्र्याटहरूको सहमति आवश्यक हुनेछ ।
मौजुदा राष्ट्रपति जो बाइडेन मृत्युदण्डको सजायको मामिलामा धेरै नै नरम देखिएका छन ।
उनले ४० जनामध्ये मृत्युदण्डको सजाय पाएका ३७ जनाको सजायलाई आजिवन कारावासमा यसैहप्ता रुपान्तरण गरिदिएका थिए ।
बाइडेनको यो निर्णयलाई अधिकारमाथिको मजाक भन्दै ट्रम्पले बिरोध गरेका थिए ।