स्पेनलाई चौथो पटक युरो कपको उपाधि , इंग्ल्यान्ड उपबिजेता मै सिमित
प्रकाशित मिति : असार ३०, २०८१ आईतबार
स्पेनले युरो कप फुटवल प्रतियोगिता २०२४ को उपाधि जितेको छ ।
यो स्पेनका लागि किर्तिमानी चौथो पटक जितेको युरो कप को उपाधि हो ।
जर्मनीको बर्लिनमा सोमबार बिहान सम्पन्न भएको फाइनलमा इंग्ल्यान्डलाई २-१ को गोल अन्तरले हराउदै स्पेन युरो कपको च्याम्पियन बन्न सफल भएको हो ।
यता इंग्ल्यान्ड भने फेरि एकपटक युरोकपको उपाधि जित्नबाट वञ्चित बनेको छ।
इंग्ल्यान्ड युरोकपको साबिक उप–विजेता पनि थियो । इंग्ल्यान्डको टोली सन् २०२० मा सम्पन्न युरोकपको फाइनलमा इटालीसँग पेनाल्टी सुटआउटमा ३–२ गोलले पराजित भएको थियो ।
निर्धारित समयको खेल सकिन ४ मिनेट बाँकी छँदा मिकेल ओयार्जाबालले निर्णायक गोल गर्दै स्पेनलाई किर्तिमानी चौथो पटकको उपाधि दिलाए ।
यसअघि पहिलो हाफ गोलरहित बराबरीमा सकिएको थियो ।
तर दोस्रो हाफको सुरुवातमा नै लामिन यामालको पासमा निको विलियम्सले स्पेनलाई अग्रता दिलाएका थिए । ७३ औं मिनेटमा कोल पाल्मरले बराबरी गोल फर्काएपछि इंग्ल्याण्ड खेलमा फर्किएको थियो।
स्पेनले युरोकपको उपाधि जितेको यो कीर्तिमानी चौथोपटक हो । स्पेनले सन् १९६४ मा आफ्नो पहिलो सहभागितामै युरोकपको उपाधि जितेको थियो । त्यतिबेला स्पेनले फाइनलमा तत्कालीन सोभियत संघलाई २–१ गोलले हराएको थियो ।
स्पेनले जारी युरोकपमा अपराजित रहँदै उपाधि जितेको हो।
समूह चरणमा इटाली, क्रोयशिया र अल्बानियालाई पराजित गर्दै नक आउट चरणमा प्रवेश गरेको स्पेनले नक आउटमा जर्जिया र क्वाटरफाइनलमा जर्मनीलाई पराजित गरेको थियो।
स्पेन सेमिफाइनलमा फ्रान्सलाई हराउँदै फाइनल पुगेको थियो।
युरोकपमा स्पेनको यो चौथो उपाधि हो। यसअघि सन् १९६४, २००८ र २०१२ मा स्पेनले युरोकपको उपाधि जितेको थियो।
इंग्ल्याण्डले पहिलोपटक युरो च्याम्पियन बन्ने मौका गुमाएको छ।