होन्डुरसलाई बीस हजार कैदी राख्ने कारागार किन चाहियो ?
प्रकाशित मिति : असार १, २०८१ शनिबार
होन्डुरसले २० हजार क्षमताको ‘मेगा कारागार’ निर्माण गर्ने भएको छ । मुलुकमा ‘सुरक्षा आपत्कालीन’ विरुद्ध लड्ने उपायबीच राष्ट्रपति जिओमारा क्यास्ट्रोले मेगा कारागार बनाउने घोषणा गर्नुभयो ।
होन्डुरसको राष्ट्रिय सुरक्षा र सुरक्षा परिषद्का सदस्यहरूसँग क्यास्ट्रोले राति राष्ट्रलाई सम्बोधन गर्दै ‘अपराधविरुद्धको समाधानको योजना’ बढ्दो हिंसाका बारेमा सार्वजनिक गुनासोहरूको प्रतिक्रिया रहेको बताउनुभयो ।
उहाँले ‘हत्या, लागु औषधको ओसारपसार, जबर्जस्ती असुली, अपहरण, हतियारको तस्करी, अवैध सम्बन्ध र मनी लन्ड्रिङजस्ता अपराधको धेरै घटना भएका सबै क्षेत्रमा’ सशस्त्र बल र प्रहरीले ‘तत्काल हस्तक्षेप’ गर्नुपर्ने बताउनुभयो ।
मेगा कारागार र करिब एक दर्जन अन्य उपायले छिमेकी मुलुक एल साल्भाडोरलाई प्रतिध्वनि गर्दछ । एल साल्भाडोरमा राष्ट्रपति नायब बुकेलेको गिरोहविरोधी अभियानले अधिकार समूहहरूबाट आलोचना प्राप्त गरे पनि उहाँलाई ल्याटिन अमेरिकामा सबैभन्दा लोकप्रिय नेतामध्ये एक बनाएको छ ।
होन्डुरस विश्वको सबैभन्दा हिंसात्मक मुलुकमध्ये एक हो । यहाँ सन् २०२३ मा प्रति एक लाख बासिन्दामध्ये हत्या दर ३४ रहेको छ र यो विश्वव्यापी औसतभन्दा करिब छ गुणा हो । होन्डुरसको करिब ३० कारागारमा हाल करिब २१ हजार कैदी रहेका छन् ।
रक्षामन्त्री म्यानुअल जेलयाले क्यारेबियनमा स्वान द्वीपमा पहिला नै २० हजार कैदीलाई राख्ने योजना बनाइएको कारागार निर्माणका लागि दुई सातामा टेन्डर घोषणा गरिने जानकारी दिनुभयो ।