अमेरिकामा नेपालीको आम्दानीको स्तर र शैक्षिक योग्यता अन्य एसियनको भन्दा निकै कम

खसोखास अमेरिका ब्यूरो

---

प्रकाशित मिति : श्रावण २२, २०८० सोमबार

अमेरिकामा झण्डै साढे २३ मिलियन एसियन अमेरिकनहरु रहेका छन्, जुन अमेरिकी कुल जनसंख्याको ७ दशमलव १ प्रतिशत हो । एसियन अमेरिकनलाई प्यासेफिक आइल्याण्डरसँगै जोडेर समेत गणना गर्ने गरिन्छ । यसरी हेर्दा एसियन अमेरिकन प्यासेफिक आइल्याण्डरको संख्या अमेरिकामा १० बर्षमा २७ प्रतिशतले बृद्धि भएको छ ।

एसियन अमेरिकीहरूमा ताइवान र भारतीय अमेरिकीहरूको शिक्षा र आयको नतिजा अत्यन्तै उच्च रहेको छ भने जबकि नेपाली, बर्मेली लगायतको आम्दानी र शैक्षिक स्तर निकै कम रहेको छ । अमेरिकामा नेपाली लगायत १७ एसियनहरुको जनसंख्या १ करोड ३० लाखको हाराहारीमा रहेको छ । जसमा सबैभन्दा धेरै चिनियाहरु झण्डै साढे ५२ लाख र श्रीलंकनहरु ८६ हजार रहेका छन् ।

जनगणनाको तथ्यांक अनुशार अमेरिकामा नेपालीहरुको संख्या २ लाख २९ हजार ३२५ रहेको छ । यद्यपी नेपाली समुदायले यो संख्या अझ धेरै रहेको दावी गर्दै आएको छ । खसोखासले निकालेको तथ्यांक अनुशार अमेरिकामा ग्रिनकार्डवाहक र अमेरिकी नागरिकता प्राप्त नेपालीहरुको संख्यामात्र १ लाख ९० हजारको हाराहारीमा रहेको छ । त्यो बाहेक ग्रिनकार्डको प्रतिक्षामा रहेकाहरु र विद्यार्थी भिसामा रहेकाहरुको संख्या पनि उल्लेख्य रहेको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

क्यालिफोर्निया, न्यूयोर्क र टेक्सासमामात्र एसियन अमेरिकी जनसंख्याको ४६ प्रतिशत बसोबास रहेको छ । नेपालीहरुको सबैभन्दा धेरै बसोबास भएका राज्यहरु पनि यी तीन राज्यहरु नै हुन् । पछिल्लो तथ्यांक हेर्दा क्यालिफोर्निया र न्युयोर्कको तुलनामा टेक्सासका नेपालीहरुको अमेरिकी नागरिकता प्राप्त गर्ने दर उच्च रहेको छ । अर्थात् टेक्सासमा नेपालीको बृद्धिदर क्यालिफोर्निया र न्युयोर्कको तुलनामा बढी देखिएको छ ।

अमेरिकामा रहेको २५ बर्षमाथिको एसियन जनसंख्यामा ५५ प्रतिशतको शैक्षिक योग्यता स्नातक भन्दा माथि रहेपनि यसमा नेपालीहरु भने पछि परेका छन् । २५ बर्षभन्दा माथिका अधिंकाश नेपालीको शैक्षिक योग्यता स्नातक समेत छैन । स्नातक समेत नभएका नेपालीहरुको जनसंख्या अमेरिकामा ५२ दशमलव २ प्रतिशत रहेको युएस सेन्सस ब्यूरोको तथ्यांकमा उल्लेख छ । स्नातक वा त्योभन्दा माथिको शैक्षिक योग्यता हुने नेपालीहरु ४७ दशमलव ७ प्रतिशत छन् ।

एसियन अमेरिकी घरपरिवारको औसत घरेलु आम्दानी वार्षिक ९७,६२६ अमेरिकी डलर हो । तर त्यसमा नेपालीहरुको भने निकै कम छ । इन्डियनको सबैभन्दा धेरै १ लाख ३८ हजार ४१८ हुँदा नेपालीहरुको जम्मा ७८ हजार ४३ डलर रहेको छ । कम्बोडियन, बंगालादेशी र बर्मिजको आम्दानी नेपालीहरुको भन्दा पनि कम रहेको छ । इन्डियनपछि सबैभन्दा धेरै आम्दानी हुनेहरु ताइवानी, फिलिपिनो र पाकिस्तानी रहेका छन् ।