भर्जिनियाको राजधानीमा हाईस्कूलको ग्रयाजुएसन समारोहमा ७ जनामाथि गोली प्रहार, २ जनाको मृत्यु
प्रकाशित मिति : जेष्ठ २३, २०८० मंगलबार
भर्जिनियाको राजधानीमा हाईस्कूलको ग्रयाजुएसन समारोहमा ७ जनामाथि गोली प्रहार भएको छ । जसमध्ये दुई जनाको मृत्यु भएको छ । मङ्गलबार हाईस्कूल ग्रयाजुएसन समाप्त भए लगत्तै डाउनटाउन थिएटर बाहिर गोली चलेको थियो । जसका कारण सयौं सहभागीहरू आतंकित भएर रुदै भागेका थिए ।
गोली चलाउने १९ वर्षीय संदिग्धले पैदल भाग्न खोजेपनि प्रहरीले गिरफ्तार गरेको छ । बन्दुधकारीलाई दोस्रो डिग्री हत्याको दुई गणनाको आरोप लगाइने अन्तरिम रिचमन्ड प्रहरी प्रमुख रिक एडवर्ड्सले राती आयोजित पत्रकार सम्मेलनमा बताएका छन् । उनले घटनामा दुई जनाको मृत्युको पुष्टि गरे।
अल्ट्रिया थिएटर बाहिर भएको घटनामा अरु पाँच जना घाइते भएका छन् । घटनास्थल घाँसे पार्कबाट सडक पारी र भर्जिनिया कमनवेल्थ विश्वविद्यालय क्याम्पसको बीचमा छ।
हुगुइनोट हाई स्कूलको स्नातक समारोह चलिरहेको थिएटर भित्र रहेका अफिसरहरूले बेलुका सबा ५ बजे बन्दुकको आवाज सुनेका थिए । र बाहिर तैनाथ प्रहरीलाई जानकारी दिइएको थियो ।