दुबईबाट उडेको इमिरेट्सको विमान आकाशमा १३ घण्टापछि किन दुबई नै फर्कियो ?
प्रकाशित मिति : माघ १५, २०७९ आईतबार
शुक्रबार बिहान दुबईबाट अकल्याण्ड न्यूजील्याण्डको लागि जाँदै गरेको इमिरेटस्को उडान १३ घण्टा भन्दा बढी आकाशमा विताएपछि दुबईकै एयरपोर्टमा फिर्ता अवतरण गरेको छ ।
विहान स्थानीय समय अनुसार बिहान साढे १० बजे उडेको थियो । मा पाइलटले लगभग ९ हजार माइलको यात्राका क्रममा आधाभागमा पुगेपछि विमानलाई फिर्ता घुमाए । विमान शनिबार मध्यरात पछि दुबईमा फिर्ता अवतरण गरेको थियो ।
न्यूजील्याण्डको अकल्यान्ड एयरपोर्ट सप्ताहन्तको सुरुमा गम्भीर बाढीका कारण बन्द गर्न बाध्य भएको थियो। जसका कारण विमान बीचबाटै फर्कनु परेको थियो ।
Auckland Airport has been assessing the damage to our international terminal and unfortunately determined that no international flights can operate today. We know this is extremely frustrating but the safety of passengers is our top priority.
— Auckland Airport (@AKL_Airport) January 28, 2023
अकल्याण्ड एयरपोर्टले अन्तर्राष्ट्रिय टर्मिनलमा भएको क्षतिको मूल्याङ्कन गरिरहेको जनाएको छ । दुर्भाग्यवश शनिबार कुनै पनि अन्तर्राष्ट्रिय उडानहरू सञ्चालन गर्न नसक्ने निर्णय गरेको विमानस्थलले स्थानीय समय अनुसार शनिबार दिउँसोको एक विज्ञप्तिमा बताएको थियो ।
स्थानीय समयअनुसार शनिबार राति आन्तरिक उडान सुचारु भएपछि आइतबार बिहान अन्तर्राष्ट्रिय उडान सुचारु गरिएको विमानस्थलका अधिकारीले बताएका छन् ।
इमिरेट्सले ग्राहकहरूलाई पर्न गएको असुविधाप्रति क्षमा मागेको छ । इमिरेट्सले अकल्याण्डको अवस्थाको अनुगमन गर्न जारी राख्ने र आवश्यक भएमा अपडेट जारी गर्ने जनाएको छ ।
शनिबारका लागि तय गरिएको उडान ५ घण्टा ढिलो भएको थियो भने आइतबारका लागि तय गरिएको उडान रद्द गरिएको थियो । सोमबार स्थानीय समय विहान १० बजेर २० मिनेटका लागि उडान तय गरिएको छ ।