के तपाईलाई थाहा छ ? अमेरिकाको शिकागो नदी यसकारण पछाडि बग्छ!
प्रकाशित मिति : पुस २९, २०७९ शुक्रबार
१९ औं शताब्दीको दोस्रो आधामा अमेरिकाको शिकागो विश्वको सबैभन्दा छिटो जनसंख्या बृद्धि हुने सहरहरू मध्ये एक थियो। सन् १८७० मा यो २ लाख ९९ हजार मानिसहरूको घर थियो र शताब्दीको अन्त्यमा १७ लाखको घर थियो ।
तर त्यो जनसंख्या बृद्धिसँगै हैजा र टाइफाइड जस्ता पानीजन्य रोगहरू सहित दुर्भाग्यपूर्ण साइड इफेक्टहरू आए। समस्या यो थियो कि सहरको ढल शिकागो नदीमा गयो, जुन शहरको पिउने पानीको स्रोत मिशिगन तालमा खस्थ्यो ।
त्यसैले शिकागोले सबैको लागि समस्या समाधान गर्न शहरको ढल प्रणालीको डिजाइनर इन्जिनियर एलिस एस चेसब्रोलाई ल्याएको थियो ।
सुरुमा चेसब्रोले कम प्रदूषित पानी तान्नको लागि मिशिगन तालको ६० फिट तल २ माइल लामो सुरुङ डिजाइन गरे । दुर्भाग्यवश पानीको स्रोतलाई प्रदूषित हुनको लागि मुख्य दोषी भारी वर्षा थियो, त्यसैले चेसब्रोले अर्को समाधान खोजे ।
यदि सहरको नदी मिशिगन तालमा नखसेर मिसिसिपी नदिमा गएको खण्डमा शिकागोको पानी समस्या समाधान हुनेछ। शिकागोको पश्चिममा रहेको उपमहाद्वीपीय विभाजनले नदीलाई ताल तिर बगाएको थियो । यदि ताल र नदी दुवै भन्दा तल खाल्डो खनेमा गुरुत्वाकर्षणले पानीलाई फरक दिेशामा लैजान्थ्यो ।
कामदारहरूले १९८२ मा शिकागो नदीलाई उल्ट्याउनको लागि श्रमिक प्रक्रिया सुरु गरे। आठ वर्षको खन्ने काम पछि शिकागोले सन् १९०० को जनवरी २ मा अन्तिम बाँध उडायो। र नदी पछाडितिर बग्न थाल्यो ।
चेसब्रोले कहिल्यै यो अविश्वसनीय घटना देख्न पाएनन् । किनभने उनको सन् १९८६ मा मृत्यु भयो । तर उनको ईन्जिनियरिङ्को उपलब्धि र महत्वाकांक्षी योजनाले शहरको २० औं शताब्दी र त्यसपछिको समृद्ध भविष्य सुरक्षित गर्यो।