कुवेतमा दुई नेपाली चेली आफुहरु बेचिएको भन्दै उद्धारका लागी आग्रह
प्रकाशित मिति : श्रावण ५, २०७४ बिहीबार
हरिकृष्ण पन्थी
कुवेतमा दुई नेपाली चेलीहरुले आफुहरु दलालबाट बेचिएको भन्दै उद्धारका लागी आग्रह गरेका छन् । उनिहरुलाई झापा बिर्तामोडका भक्त बहादुर बिष्टले झण्डै तिन महिना अघि भारतको बाटो हुँदै दिल्लीबाट कुवेत पठाएको खुल्न आएको छ ।
उनिहरुलाइ बिष्टले दिल्लीबाट कुवेतको Kuwait hawalli bin khaldoon street, Al-Malham Comp-Mezzanine, Office no- 21मा रहेको Abdul Hamid Abdullah Office AL- SAFRAN Domestic helper नामक कम्पनीमा पठाएको रहस्य खुलेको छ ।
उनीहरुलाइ सोही कम्पनीले घरेलु कामदारको रुपमा घरको काममा सप्लाइ गरेको र उक्त घरमा मालिकबाट उनिहरुमाथी दुब्र्यावहार भएपछि उक्त घरमा काम नगर्ने निधो गरि आफुहरुलाइ फिर्ता बोलाउन आग्रह गर्दा कम्पनीले तिन लाख रुपैया तिरेर मात्र फिर्ता हुन पाउने बताएपछी उनिहरुले आफुहरु बेचिएको थाहा पाएको खसोखासलाई बताएका छन् ।
उनिहरुले खसोखासलाइ भने, यहाँ हामीलाइ फोनमा समेत बोल्न दिइँदैन । फोन रिचार्ज गर्ने पैसापनि छैन , हामिसँग भएको केहि पैसा पनि कम्पनिको दिदिले खोसेर लगिन ।
त्यसरी साथमा रहेको पैसा खोस्ने अनि बेला बेला उनिहरुलाइ काममा दायाँ बायाँ गर्ने वा भागेमा तिमीहरुको हालत खराब गरिदिने भन्दै धम्कि दिने नेपाली महिला बिनु मगर भएको पिडीतले बताएका छन् ।उनको ठेगाना भने खुल्न सकेको छैन ।
बिनु मगरले उनिहरुलाई अपशब्दहरु प्रयोग गरेर मनलाग्दी गालि गलौज गर्ने गरेको उनिहरु बताउँछन ।
उनिहरुले जीवन नारकीय बन्दै गैरहेको र आफुहरुको उद्धारका लागि आवश्यक पहल गरिदिन खसोखास मार्फत आग्रह गरेका छन् ।