जापानी सागरमा तनाव बढ्दै, रुस र चीन मिलेर तोप-गोला प्रहार, भारत लाग्यो किनारा (भिडियो)
प्रकाशित मिति : भाद्र २०, २०७९ सोमबार
ताइवान संकटका बीच जापानको सागरमा तनाव बढ्दै गएको छ । जापानको रक्षा मन्त्रालयले चीन र रुसको नौसेनाका ६ युद्धपोतले जापान सागरमा मेसिन गन र तोपका गोला प्रहार गरेको जनाएको छ । चीन र रुसको नौसेनाले हाल जापान सागरमा भोस्टोक–२०२२ अभ्यास गरिरहेका छन् ।
यसैबीच रुसी मिडियाले आफ्नो रिपोर्टमा रुस र चीनका सेनाले कुरियाल टापु नजिकै यो अभ्यास गरेको बताएको छ । यसअघि यो अभ्यासमा भारतले रुस र चीनसँग पनि सहभागी हुने भनिएको थियो तर जापानसँगको घनिष्ठ सम्बन्धका कारण भारतीय नौसेनाले त्यसबाट पछि हटेको थियो ।
जापानी रक्षा मन्त्रालयले भने, जापानको नौसेनाले शनिबार तीन रूसी फ्रिगेट र तीन युद्धपोतहरू जापानको उत्तरी प्रान्त होक्काइडोको केप कामुई नजिकै गएको पुष्टि गरेको छ। उनले चीनको युद्धपोतमा शक्तिशाली विनाशक पनि रहेको बताए । मन्त्रालयले सबै छवटा युद्धपोतहरूले जापानी टापु नजिकै मिसिन गनहरू प्रहार गरेको बताएको छ। जापानी मन्त्रालयले पछि यी सबै युद्धपोत सोया स्ट्रेट हुँदै ओखोत्स्कको सागरमा पुगेको बताएको छ ।
भोस्टोक–२०२२ मा सहभागी हुन भारतलाई पनि निम्तो दिइएको थियो । रुसले बिहीबार साताव्यापी अभ्यास भोस्टोक २०२२ सुरु गरेको छ जुन जापानको सागर र अन्य क्षेत्रमा चलिरहेको छ । यस अभ्यासमा चीन र रुसबाहेक अन्य केही देशका नौसेनाले भाग लिइरहेका छन् ।
जापानको रक्षा मन्त्रालयले यो अभ्यासको निरन्तर अनुगमन गरिरहेको छ । यसअघि रूसले भारतीय सेनालाई भोस्टोक–२०२२ मा सहभागी हुन आमन्त्रण गरेको थियो । भारतको पैदल सेनाले पनि यसमा भाग लिएको थियो तर जापानसँगको घनिष्ठ मित्रतालाई ध्यानमा राख्दै भारतीय नौसेनाले त्यसलाई त्यागेको थियो ।
युक्रेन युद्धको बीचमा रुसले शक्ति प्रदर्शन गर्न यो अभ्यास गरिरहेको विश्लेषकहरुको विश्वास छ । उही समयमा, ताइवानको मुद्दामा जापान र अमेरिकासँग चीनको तनाव चरम सीमामा छ। चिनियाँ नौसैनिक जहाजहरू प्रायः जापानको सेन्काकु टापुहरूमा गस्ती गर्छन्। जापान र अमेरिकालाई घेरा हाल्न रुस र चीन दुवैको गठबन्धन बलियो हुँदै गइरहेको छ । हालै दुवै देशका रणनीतिक बमवर्षक विमान सँगै उडेका छन् ।
Russian forces have completed a training exercise in which they defended against an amphibious assault of the Kuril Islands during the ‘Vostok-2022’ joint drills with China. pic.twitter.com/FcQC0zuyOs
— RT (@RT_com) September 5, 2022