अमेरिकाले सोलोमन टापुमा पुनः दूतावास खोल्ने, निशानामा चीन
प्रकाशित मिति : फाल्गुन २, २०७८ सोमबार
अमेरिकाले यस क्षेत्रमा चीनको बढ्दो प्रभावलाई नियन्त्रण गर्नका लागि प्रशान्त महासागरमा अवस्थित देश सोलोमन टापुमा आफ्नो दूतावास पुनः खोल्ने बताएको छ । उक्त क्षेत्रको भ्रमण गरेका अमेरिकी विदेशमन्त्री एन्टोनी ब्लिन्केनले फिजीमा यो घोषणा गरेका हुन् ।
एक अमेरिकी अधिकारीले भने,चीनले सोलोमनका राजनीतिक र व्यापारिक नेताहरूसँग “सम्पर्क स्थापना गर्न लगनशीलताका साथ प्रयास गरिरहेको छ” र उसको कार्यहरू “वास्तवमै चिन्ताजनक” थिए।
अमेरिकाले सन् १९९३ मा सोलोमन टापुमा रहेको आफ्नो पाँच वर्ष लामो दूतावास बन्द गरेको थियो । त्यसयता अमेरिकी कूटनीतिज्ञहरूले छिमेकी पपुवा न्यूगिनीबाट सोलोमन टापुका लागि कूटनीतिक काम गरिरहेका थिए।
चीन विरोधी भावनाका कारण केही महिनाअघि सोलोमन टापुको राजधानीमा भीषण दंगा भइरहेका बेला अमेरिकाले यो कदम उठाएको हो ।
करिब ७० लाख जनसंख्या भएको सोलोमन टापुहरू धेरै टापुहरूमा ठूला ज्वालामुखीहरू भएका टापुहरू मिलेर बनेको एउटा सानो देश हो। BBC