रुसी सेना सीमामा आउँदैमा युद्धबाट नडराउन पश्चिमी देशहरूलाई युक्रेनका राष्ट्रपतिको अपील
प्रकाशित मिति : माघ १४, २०७८ शुक्रबार
युक्रेनका राष्ट्रपति भोलोडिमिर जेलेन्स्कीले युक्रेनी सीमामा रुसी सेना तैनाथ हुँदैनमा युद्धबाट नडराउन पश्चिमी देशहरूलाई अपिल गरेका छन् ।
उनले पत्रकारहरूसँग कुरागर्दै भने ‘कुनै पनि समय आक्रमण हुन सक्छ’ जस्ता चेतावनीहरूले युक्रेनको अर्थतन्त्रलाई नराम्ररी असर गरिरहेको छ।
यसअघि बिहीबार अमेरिकी राष्ट्रपति जो बाइडेनले रुसले अर्को महिना युक्रेनमा आक्रमण गर्न सक्ने चेतावनी दिएका थिए । उनले यसलाई बलियो सम्भावना भनेका छन् ।
अर्कोतर्फ रुसले पनि निरन्तर यही कुरा गरिरहेको छ । रुसले युक्रेनमा आक्रमण गर्ने आफ्नो कुनै योजना नभएको बारम्बार बताउँदै आएको छ । शुक्रबार रुसका विदेशमन्त्रीले मस्कोले युद्ध नचाहेको बताए ।
हाल युक्रेनको रुससँगको सीमामा करिब एक लाख सैनिक तैनाथ छन् । जसका लागि अमेरिका र पश्चिमा देशले लगातार युद्धको चेतावनी दिइरहेका छन् ।
यता युक्रेनका राष्ट्रपतिले आफ्नो भर्खरैको वक्तव्यमा सेनाको यो तैनाथीलाई पछिल्लो पटकभन्दा ठूलो खतराको रूपमा नदेखेको बताएका छन्।
पत्रकार सम्मेलनमा उनले सम्मानित देशका नेताबाट भोलि युद्धको सम्भावना देखिएलगत्तै चेतावनी दिइएको बताए । यसले आतंकको वातावरण सिर्जना गर्छ, यसले हाम्रो देशलाई कत्तिको असर गर्छ?
सम्बोधनमा उनले देशभित्रको यस्तो त्रास र अस्थिरताको अवस्था देशका लागि सबैभन्दा ठूलो खतरा भएको बताए ।
रुसको माग
ह्वाइट हाउसका प्रवक्ता एमिली हर्नले राष्ट्रपतिले फेब्रुअरीमा रुसले युक्रेनमा आक्रमण गर्ने प्रबल सम्भावना रहेको बताएकी छन् । उनले यो कुरा सार्वजनिक रूपमा भनेका छन् र हामीले धेरै महिनादेखि चेतावनी दिइरहेका छौं।
प्रवक्ताका अनुसार युक्रेनका राष्ट्रपतिसँगको वार्तामा राष्ट्रपति बाइडेनले युक्रेनमा रुसले आक्रमण गरेमा अमेरिका र उसका सहयोगीहरूले रुसलाई निर्णायक जवाफ दिने बताएका छन् । तर , रुसले आक्रमणको डरलाई अस्वीकार गरेको छ।
रुसी राष्ट्रपति भ्लादिमिर पुटिनले पश्चिमा देशहरुसामु धेरै माग राखेका छन् । उनले ती देशहरूलाई युक्रेनलाई कहिले पनि नेटोको सदस्य बन्न नदिन र नेटो गठबन्धनले पूर्वी युरोपमा आफ्ना सबै सैन्य गतिविधि त्याग्न आग्रह गरेका छन्। बिबिसि