नेपालमा सक्रिय संक्रमितको संख्या ३८ हजार नाघ्यो, थप ३४८१ मा संक्रमण पुष्टि
प्रकाशित मिति : श्रावण २७, २०७८ बुधबार
नेपालमा २४ घण्टामा ३ हजार ४ सय ८१ कोरोना संक्रमित थपिएका छन्। देशभरका विभिन्न प्रयोगशालामा १६ हजार ६ सय ५६ जनाको परीक्षण गरिएकोमा उक्त संख्यामा संक्रमण पुष्टि भएको हो।
काठमाडौं उपत्यकामा ९६४ संक्रमित थपिएका छन्। जसमा काठमाडौंमा ६६३, ललितपुरमा १९२ र भक्तपुरमा १०९ जना रहेका छन्।
यस्तै, २४ घण्टामा १८८५ जना संक्रमणमुक्त भएका छन्। नेपालमा हालसम्म ६ लाख ७५ हजार ८३ जना निको भएका छन्। निको हुने दर ९३.४ प्रतिशत छ।
बुधबार ३० जनाको मृत्यु भएसँगै नेपालमा कोरोना संक्रमणबाट मृत्यु हुनेको संख्या १० हजार १ सय ८० रहेको छ। हाल देशभर सक्रिय संक्रमितको संख्या ३८ हजार ३३ पुगेको छ। जसमध्ये होम आइसोलेसनमा ३४ हजार ८ सय १३ र संस्थागत आइसोलेसनमा ३ हजार २ सय २० जना छन्। आइसीयूमा ७९६ र भेन्टिलेटरमा १८४ जना छन्।