कोरोना संक्रमणबाट ४१ को मृत्यु, २८९२ संक्रमित थपिए
प्रकाशित मिति : असार १६, २०७८ बुधबार
कोरोना संक्रमणका कारण नेपालमा थप ४१ जनाको मृत्यु भएको छ। स्वास्थ्य तथा जनसंख्या मन्त्रालयका अनुसार २४ घण्टा अवधिमा देशभर उक्त संख्यामा मानिसहरुको मृत्यु भएको हो। योसँगै नेपालमा कोरोनाबाट मृत्यु हुनेको संख्या ९ हजार १ सय १२ पुगेको छ।
यस्तै, देशभर २८९२ नयाँ संक्रमित थपिएका छन्। ७१८७ जनामा पिसिआर विधिबाट परीक्षण गर्दा १८८९ जनामा संक्रमण पुष्टि भएको छ भने ४३८१ जनामा एन्टिजेनबाट परीक्षण गर्दा १००३ जनामा पोजिटिभ देखिएको छ।
त्यस्तै ३५९७ जना कोरोना संक्रमणबाट मुक्त भएका छन्। देशभर कोरोना संक्रमणबाट निको हुने दर ९३.३२ प्रतिशत रहेको छ भने ५.२५ सक्रिय संक्रमित छन्। त्यस्तै हालसम्म १.४३ प्रतिशतको मृत्यु भएको छ।
बुधबार काठमाडौंमा ४३६, भक्तपुरमा ४७ र ललितपुरमा ८९ गरी ५७२ जना संक्रमित उपत्यकामा थपिएका छन्।