अमेरिकी जनगणनामा राईहरुले धर्मको स्थानमा किरात लेखेको खुलासा

खसोखास अमेरिका ब्यूरो

---

प्रकाशित मिति : बैशाख १८, २०७८ शनिबार

सन् २०२० को अमेरिकी जनगणनामा राईहरुले धर्मको स्थानमा किरात लेखेको खुलासा भएको छ । युनाईटेड किरात अर्गनाइजेसन अफ अमेरिकाको नेतृत्वमा अमेरिकामा बस्ने राईहरुले धर्मको महलमा किरात लेखेको युनाईटेड किरात अर्गनाइजेसन अफ अमेरिकाकी सभापति मुना राईले खुलासा गरेकी हुन् ।

किरात राई यायोखा कतारले आयोजना गरेको भर्चुअल अन्तरक्रियामा सभापति राईले किरात राईहरुको अस्तित्वको लागि अमेरिकामा हरतरहले लागिरहेको बताइन् । संसार भरका राईहरुले जनगणनामा जातीको महलमा राई र धर्मको महलमा किरात लेख्नु पर्ने कुरामा समेत उनले जोड दिइन् ।

किरात राई ययोखा अध्यक्ष दिवस राईले नेपालमा भइ रहेको १२ औं राष्ट्रिय जनगणनाको सन्दर्भमा भएको प्रशिक्षणात्मक अन्तरक्रियामा नेपालमा हुने आगामी जनगणनामा सबै सचेत भइ जातीको महलमा राई र धर्मको महलमा किरात लेख्नु पर्ने बताए । किराया कतार अध्यक्ष बिमल राईको सभापतित्वमा भएको कार्यक्रममा झण्डै १२ देशबाट प्रतिनिधित्व रहेको थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

कार्यक्रममा युनाईटेड किरात अर्गनाइजेसन अफ अमेरिकाका महासचिव जय राईको पनि सहभागिता रहेको थियो ।

यसैबीच युनाईटेड किरात अर्गनाइजेसन अफ अमेरिका न्यु इंग्ल्याण्ड च्याप्टरले विश्व पृथ्वी दिवस २०२१ को अवशरमा स्थानीय सिटिले आयोजना गरेको सडक सर सफाई कार्यक्रममा सहभागिता जनाएको छ । न्यु ह्याम्पशार राज्यका जनप्रतिनिधि क्यासेन्द्र लेभेक्युले संस्थालाई धन्यवाद दिंदै आगामी दिनमा पनि यस्तै सहभागिताको अपेक्षा गरे ।

संस्थाका सभापति मुक्ति राईको नेतृत्वमा सदस्यहरु सहभागी भएका थिए ।

सुरेश चाम्लिङ