टेक्सास यूलेस सिटी काउन्सिल सदस्यमा नेपाली मुलका पौडेल उम्मेदबार

खसोखास अमेरिका ब्यूरो

---

प्रकाशित मिति : बैशाख १४, २०७८ मंगलबार

अमेरिकी मुलधारको राजनीतिमा नेपाली मुलका अमेरिकी नागरिकहरुको प्रवेश तथा सक्रियता बढ्दो छ । नेपाली मुलका अमेरिकी नागरिकहरु यहाँको राजनीतिमा सक्रियता पूर्वक काम गरिरहेका छन् ।

यसैक्रममा अहिले अमेरिकाको टेक्सास राज्य अन्र्तगत यूलेस काउन्सिल सदस्यमा नेपालीमुलका अमेरिकी नागरिक टिका पौडेल उम्मेदवार छन् । अप्रिल २७ तारिख सम्म अग्रिम मतदानको समय छ । मे १ तारिख मतदानका लागि अन्तिम दिन हो ।

नेपालको चितवन जिल्लामा जन्मिएका पौडेल करिव १५ बर्षदेखी अमेरिकामा छन् । नेपालमा प्राद्यापन पेशामा संलग्न थिए ।

‘म समुदायको सेवामा निरन्तर सक्रिय छु, नेपाली समुदायका सबैको सहयोगले म यो अभियानमा छु ।’  पौडेलले नेपाली समुदायले गरेको सहयोगप्रति कृतज्ञता ज्ञापन गर्दै, अग्रिम मतदानमा सहभागि हुन आग्रह गरेका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यूलेस सिटीमा झण्डै  ५ सय नेपाली अमेरिकन मतदाता रहेको अनुमान गरिएको छ । नेपालीहरुको बाक्लो बस्ती रहेको टेक्सास राज्य अन्तरगत यूलेसमा करिव ८ हजार नेपालीहरु छन् ।

सिटी काउन्सिलले स्थानिय सुरक्षा, पार्क, पूर्वाधार निमार्ण लगायतका नीतिहरु बनाउने काम गर्दछ । सिटी काउन्सिलमा मेयर लगायत ७ जना सदस्य हुन्छन् ।