भुटानबाट झापाको शिविरमा १६ बर्ष बिताएर अमेरिका आएका गुरूङको ९० बर्षमा निधन
प्रकाशित मिति : चैत्र २, २०७७ सोमबार
साम्ची भुटानको टेन्डु ब्लक, ज्याते गाऊँबाट नेपालको झापामा रहेको खुदुनाबारी शिविरमा करिब १६ वर्ष बिताएर अमेरिका आएका ९० बर्षका हर्कमान गुरूङको निधन भएको छ । एसोसिएसन अफ भुटनिज कम्युनिटी टेनेसीका अनुशार गुरूङका हिजो टेनिसीको एन्टियोक सिटीमा निधन भएको हो ।
केही बर्ष अगाडि अमेरिका आएर टेनिसीको एन्टियोक सिटीको रिभेन्डेलहूड बस्दै आएका भूटानी नेपाली समाजका बृद्ध व्यक्ति गुरूङको निधनप्रति एसोसिएसन अफ भुटनिज कम्युनिटी टेनेसीले दुख व्यक्त गरेको छ । मृतकप्रति श्रद्धाञ्जली व्यक्त गर्दै शोकाकुल परिवारप्रति समवेदना समेत व्यक्त गरिएको छ ।
उनी पाँचभाई छोराहरू प्रेमलाल, टेकबहादुर, रामबहादुर, गोबिन्द, दलराज गुरूङ र छोरी हरिमाया गुरूङका पिता हुन् । उनी शरणार्थीका रुपमा अमेरिकामा आएको जनाइएको छ ।
मार्च १७ बुधबार गुरूङको दाहसंस्कार गरिने जनाइएको छ । दाहसंस्कारमा उपस्थीत हुन चाहने टेनिसीवासी नेपाली भूटानी तथा अन्य राज्यहरूमा रहने मृतकका निकट आफन्त र साथीभाईहरूलाई टेनेसीको नासभिलमा रहेको वेष्ट हार्पेथ फ्युनरल होममा बुधबार विहान १० बजेदेखि १२ बजेसम्म उपस्थीत हुन सुचित गरिएको छ ।