नेपाली उबर चालकमाथि दुर्ब्यबहार गर्ने युवती लिफ्ट चढ्ने घोषणा गर्दै लाइभमा, लिफ्टबाट स्थायी प्रतिबन्ध
प्रकाशित मिति : फाल्गुन २६, २०७७ बुधबार
अर्ना किमाई
क्यालिफोर्नियाको सान फ्रान्सिस्कोमा नेपाली उबर चालक शोभाकर खड्कामाथि पेपर स्प्रे गर्ने, मास्क च्यात्ने, अपशब्द बोल्ने र दुब्र्यहबार गर्ने युवती लाइभ भिडियोमा देखिएकी छिन् । ती युवतीलाई प्रहरीले अहिलेसम्म पक्राउ गरेको छैन भने घटनाबारे अनुसन्धान भइरहेको जनाएको छ ।
भिडियो लाइभमा ती युवतीले आफू एकदमै गलत रहेको स्वीकार गरेकी छिन् भने घटना एकदमै अपमानजनक भएको बताएकी छिन् । तर उक्त अवस्था टार्न सकिने रहेपनि चालकले आफूहरुलाई असुरक्षित स्थानमा झार्न खोजेको आरोप समेत लगाएकी छिन् ।
California anti-masker who coughed on a driver says she plans to sue Uber pic.twitter.com/IjlGs0wnRg
— Fifty Shades of Whey (@davenewworld_2) March 9, 2021
उबरले नेपाली चालकमाथि भएको यो आक्रमण भयावह भएको बताउँद्र दुब्र्यबहार गर्ने यात्रुको एकाउन्ट खारेज गरिदिएको थियो । उबरले क्षतिपूर्ति वापत चालक खड्कालाई १२० डलर दिएको छ । ती युवतीले अब लिफ्ट चढ्ने घोषणा गरेकी थिइन् । तर लगत्तै लिफ्टले पनि ती युवतीमाथि प्रतिबन्ध लगाइएको जनाएको छ ।
घटना लिफ्टसँग सम्बन्धित नरहेको भएतापनि चालकमाथि भएको दुब्र्यबहार अस्वीकार भएको लिफ्टले जनाएको छ । त्यसैकारण ती युवतीलाई लिफ्टमा स्थायीरुपमा नै प्रतिबन्ध लगाइएको लिफ्टले स्पष्ट पारेको छ । महामारीका बेलामा गाडी चलाउनु सहज नभएको बताउँदै लिफ्टले मास्क लगाउन र एकअर्कालाई सम्मान गर्न आग्रह गरेको छ ।
UBER RIDERS COUGH ON, ASSAULT, PEPPER SPRAY DRIVER
Driver Subhakar Khadka, who is South Asian, says he believes he was targeted because of his race. He picked up 3 women in the Bayview yesterday afternoon on San Bruno Avenue. https://t.co/Tzr7kTfyKQ pic.twitter.com/f8PiHDZ9CZ— Betty Yu (@BettyKPIX) March 9, 2021
ती युवतीलाई मास्क लगाउन आग्रह गर्दा उनी र उनको समुहले आइतबार नेपाली उबर चालक खड्कामाथि खोक्नुका साथै मास्क च्यात्ने, फोन खोस्ने, पिरो स्प्रे छर्कने तथा अपशब्द बोल्ने लगायतका दुब्र्यबहार गरेका थिए ।
खड्काले आफूमाथि दक्षिण एसियाली आप्रवासी भएका कारण उनीहरुले निशाना बनाएको र विभेदकारी गाली गलौज समेत गरेको स्थानीय संचारमाध्यमलाई बताएका छन् । ३२ बर्षका खड्कामाथि आइतबार दिउसो सिल्भर एभिन्यु र सान ब्रुनो एभिन्युमा दिउसो पौने १ बजे यस्तो दुब्र्यबहार भएको थियो ।
गाडीमा चढेकी ती महिलाले मास्क लगाउन अस्वीकार गरेपछि आफूले गाडी रोकेको तथा मास्क किन्नका लागि ग्यास स्टेशनति गाडी लैजाने क्रममा ती महिलाले दुब्यबहार सुरु गरेको खडेकाले बताएका छन् । भिडियोमा गाडीमा चढेकी महिलाले खड्कामाथि खोकेको देख्न सकिन्छ ।
ती महिलाले हातबाट फोन खोस्नुका साथै चालकको मास्क समेत च्यातेको भिडियोमा देखिएको छ । गाडीमा चढेका अन्य महिलाले चालकमाथि अपशब्द बोल्नुका साथै दुब्र्यबहार गरेको भिडियोमा देखिएको छ ।