कोरोना महामारीका १ बर्ष : डिसेम्बर ३१ देखि डिसेम्बर ३१ सम्म
आजकै दिन एकबर्ष अगाडि चीनको वुहानमा नयाँ खालको निमोनियाका केसहरु भेटिएको विश्व स्वास्थ्य संगठनले पुष्टी गरेको थियो । त्यसयता विश्वभर फैलिएको कोरोना महामारीले १८ लाख भन्दा बढीको ज्यान लिइसकेको छ भने ८ करोड भन्दा बढी संक्रमित भइसकेका छन् । नयाँ बर्ष सुरु हुँदै गर्दा भ्याक्सिन वितरणसँगै केही आशाका किरणहरु पनि देखिएका छन् तर महामारी अझै सकिएको छैन । हामीले एकबर्षको अन्तरालका मुख्य घटनाको टाइमलाइन तयार पारेका छौं ।
डिसेम्बर ३१, २०१९
चीनको वुहानमा नयाँ खालको निमोनियाका केसहरु भेटिएको विश्व स्वास्थ्य संगठनबाट जानकारी ।
जनवरी १, २०२०
बिक्रि गरिएका जंगली जनावरहरुबाट भाइरस फैलिएको आशंकापछि चीनका स्वास्थ्य अधिकारीहरुबाट वुहानमा सिफुडको होलसेलमार्केट बन्द ।
जनवरी ५, २०२०
वुहानमा भेटिएको अज्ञात निमोनिया सार्स वा मर्सका कारण नभएको चीनको घोषणा । महामारी सुरु भएको जानकारी ।
जनवरी ७, २०२०
नयाँ कोरोनाभाइरस पत्ता लागेको चीनको घोषणा ।
जनवरी ११, २०२०
कोरोना भाइरसबाट चीनमा पहिलोपटक ६१ बर्षका व्यक्तिको मृत्यु भएको जानकारी ।
जनवरी १७, २०२०
चीनमा कोरोनाबाट दोश्रो व्यक्तिको मृत्यु । अमेरिकाबाट न्युयोर्क, सान फ्रान्सिस्को र लस एन्जलसमा आउनेहरुको जाँच सुरु ।
जनवरी २०, २०२०
चीनमा तेश्रो मृत्यु । १३९ मामलाहरु भेटिएको पुष्टी । विश्व स्वास्थ्य संगठनबाट जापान, दक्षिण कोरिया र थाइल्याण्डमा कोरोना भेटिएको पुष्टी । अमेरिकाको राष्ट्रिय स्वास्थ्य प्रतिष्ठानबाट कोरोनाबिरुद्धको भ्याक्सिनका लागि काम सुरु गरेको जानकारी ।
जनवरी २१, २०२०
अमेरिकाको वासिंटन राज्यमा पहिलोपटक कोरोना संक्रमण पुष्टी ।
जनवरी २३, २०२०
चीनको वुहानमा आंशिक लकडाउन । चाइनिज नयाँ बर्षका कार्यक्रम स्थगित ।
जनवरी २८, २०२०
चीनका राष्ट्रपति र विश्व स्वास्थ्य संगठनका प्रमुखबीच भेट । चीनमा अनुसन्धानका लागि टोली पठाउने सहमति ।
जनवरी २९, २०२०
भाइरसको निगरानी र फैलावट रोक्न ह्वाइटहाउसबाट टास्क फोर्सको घोषणा ।
जनवरी ३०, २०२०
अमेरिकामा व्यक्तिबाट व्यक्तिमा कोरोना संक्रमण फैलिएको पुष्टी ।
जनवरी ३१, २०२०
विगत १४ दिनमा चीनको भ्रमण गरेका र चीनबाट आउनेहरुलाई अमेरिकामा यात्रा प्रतिबन्धको घोषणा ।
फरबरी २, २०२०
फिलिपिन्समा कोरोनाबाट एकजनाको मृत्यु । चीनबाहिर कोरोनाबाट मृत्युको पहिलो घटना ।
फरबरी ४, २०२०
डायमण्ड प्रिन्सेस क्रुजसिपमा संक्रमण पुष्टी । क्रुजसिप क्वारेन्टीनमा ।
फरबरी ६, २०२०
अमेरिकामा कोरोना भाइरसबाट पहिलो मृत्यु । क्यालिफोर्नियाको सान्ता क्लारा काउन्टीका व्यक्तिको मृत्यु ।
फरबरी ११, २०२०
विश्व स्वास्थ्य संगठनबाट कोभिड १९ नामाकरण ।
फरबरी १७, २०२०
कोरोनाबाट अमेरिकाको क्यालिफोर्नियामा दोश्रो व्यक्तिको मृत्यु ।
फरबरी २५, २०२०
युरोपमा कोरोनाको महामारी तीब्र । इटलीबाट कैयन क्षेत्रमा पूर्ण लकडाउनको घोषणा ।
फरबरी २९, २०२०
वासिंटन राज्यमा कोरोनाबाट बिरामीको मृत्यु ।
मार्च ९, २०२०
इटलीमा सम्पूर्ण देशमा लकडाउनको घोषणा ।
मार्च ११, २०२०
विश्व स्वास्थ्य संगठनबाट कोरोनालाई महामारीको घोषणा । अमेरिकामा युरोपबाट आउने अमेरिकी नागरिक र ग्रिनकार्डबाहक बाहेक अन्यलाई ३० दिने प्रतिबन्धको घोषणा ।
मार्च १३, २०२०
राष्ट्रपति डोनाल्ड ट्रम्पबाट अमेरिकामा संकटकालको घोषणा ।
मार्च १८, २०२०
ट्रम्पबाट निशुल्क परीक्षण र आपतकालिन विदाको रकम तिर्ने राहत प्याकेजमा हस्ताक्षर ।
मार्च २५, २०२०
अमेरिकी संसदबाट २ ट्रिलियनको राहत प्याकेज पारित । जसमा जुलाई ३१ सम्म बेरोजगारी विमाका अतिरिक्त साप्ताहिक ६ सय र निश्चित आम्दानी हुनेलाई १२ सय डलरको राहत चेक समेटिएको थियो ।
मार्च २७, २०२०
अमेरिकी राष्ट्रपति ट्रम्पबाट राहत प्याकेजमा हस्ताक्षर ।
अप्रिल २, २०२०
अमेरिकामा ६६ लाखबाट बेरोजगारी विमाको आवेदन । विश्वभर संक्रमितको संख्या १० लाख बढी ।
अप्रिल ३, २०२०
बिरामी नभएकाले मास्क लगाउनुनपर्ने नियम उल्टाएर ट्रम्प प्रशासनबाट कपडाले मुख छोपेर हिड्न सुझाव ।
अप्रिल ८, २०२०
७६ दिनको लकडाउनपछि चीनको वुहान खुल्ला
अप्रिल १४, २०२०
विश्व स्वास्थ्य संगठनलाई सहायता रोक्ने ट्रम्पको घोषणा
अप्रिल २८, २०२०
अमेरिकामा कोरोना संक्रमितको संख्या १० लाख ।
मे १, २०२०
अमेरिकाको एफडीएबाट अस्पतालमा सिकिस्त भएर भर्ना भएका कोरोनाका बिरामीहरुको प्रयोगका लागि रेम्डिसिभियर औषधीको आपतकालिन प्रयोगको अनुमति ।
मे २३, २०२०
चीनमा लक्षण देखिएका कोरोना संक्रमणका नयाँ मामला शुन्य ।
मे २७, २०२०
कोरोना संक्रमणबाट अमेरिकामा १ लाखको मृत्यु ।
जुन ११, २०२०
अमेरिकामा कोरोना संक्रमितको सख्या २० लाख ।
जुन २६, २०२०
विश्वभर २ बिलियन कोरोनाबिरुद्धको भ्याक्सिनका डोजहरु उपलब्ध गराउने विश्व स्वास्थ्य संगठनको घोषणा ।
जुलाई २७, २०२०
कोरोनाबिरुद्धको मोडेर्ना भ्याक्सिनबाट तेश्रो चरणको परीक्षण सुरु ।
अगस्त ११, २०२०
तेश्रो चरणको क्लीनिकल परीक्षण नगरिकनै रुसका राष्ट्रपतिबाट सर्वसाधारणको प्रयोगका लागि स्पुत्निक भी भ्याक्सिन स्वीकृत गरेको घोषणा ।
अगस्त १५, २०२०
रुसबाट भ्याक्सिनको उत्पादन सुरु ।
अगस्त २७, २०२०
अमेरिकन सीडीसीबाट अक्टोबरको अन्त्यसम्म कोरोनाबिरुद्धको भ्याक्सिन वितरणका लागि तयार रहन जनस्वास्थ्य अधिकारीहरुलाई सुचित ।
अक्टोबर २, २०२०
अमेरिकी राष्ट्रपति डोनाल्ड ट्रम्प र पत्नी मेलानिया ट्रम्पलाई कोरोना संक्रमण पुष्टी ।
डिसेम्बर ११, २०२०
अमेरिकामा कोरानाबिरुद्धको फाइजर भ्याक्सिन प्रयोगका लागि एफडीएको स्वीकृति ।
डिसेम्बर १४, २०२०
अमेरिकामा कोरोनाबिरुद्धको फाइजर भ्याक्सिन वितरण सुरु ।
डिसेम्बर १८, २०२०
एफडीएबाट कोरोनाबिरुद्धको दोश्रो भ्याक्सिन मोडेर्नाको प्रयोगका लागि स्वीकृति ।
डिसेम्बर २१, २०२०
कोरोनाबिरुद्धको दोश्रो भ्याक्सिन मोडेर्नाको वितरण सुरु ।
डिसेम्बर ३१, २०२०
अमेरिकामा २८ लाखलाई कोरोनाबिरुद्धको भ्याक्सिनको पहिलो डोज प्रदान ।
