अमेरिकामा ४ प्रकारका नेपाली : हाई प्रोफाइल ठान्नेदेखि आइडेन्टिटी क्राइसिस हुनेसम्म

पहिलो समूह
यस समूहका नेपालीको आफ्नै सर्कल छ, जो आफूलाई हाई प्रोफाइल (उच्च वर्ग)का ठान्दछन् । जसको सम्पर्क आम नेपालीहरुसँग छैन । यस समूहमा उच्चपदस्थ तथा अमेरिकी राजनीतिमा संघर्ष गर्दै गरेका र लामो समयदेखि अमेरिकामा बसोबास गर्दै आएका छन् ।

दोस्रो समूह
यस समूहमा परिचय गुमेको (आइडेन्टिटी क्राइसिस) महसुस गर्ने व्यक्तिहरु पर्दछन् । त्यस्ता व्यक्तिहरु कुनै न कुनै संघसंस्थासँग आबद्ध छन् भने हरेकजसो सप्ताहन्तमा कुनै न कुनै कार्यक्रम गरेर मञ्चासन, भाषण तथा एकआपसमा खादा ओढ्ने–ओढाउने गर्दछन् र त्यस्ता कार्यक्रमहरुमा प्रायः संधैं उही अनुहार देखिने गर्दछन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

तेस्रो समूह
यस वर्गका नेपालीहरु, जो जीविकोपार्जनका लागि जागिर गर्दछन् भने कसैकसैका साना–ठूला व्यवसाय रहेका छन् र यो समूह कर्ममा विश्वास राख्दछन् । बेलाबखतमा आ-आफ्ना परिवार तथा साथीभाइमाझ चाडपर्व मनाउने तथा रीतिरिवाजलाई बचाउनका लागि प्रयास गर्दै समय–समयमा मनोरञ्जन तथा जमघटसमेत गर्ने गर्दछन् ।

चौथो समूह
यस समूहमा विद्यार्थी तथा नयाँ पिढीका युवावर्ग पर्दछन्, जो नयाँ चुनौती र अवसरका खोजीमा छन् । यिनीहरुको माथि उल्लेख गरिएका समूहहरुका नेपालीहरुसँग त्यति घनिष्ठता हुन सकेको देखिदैन ।

यसरी विभिन्न समूहमा बाँडिएका नेपालीहरुलाई एकै ठाउँमा भेला गर्न सक्ने हो भने अमेरिकामा रहेका नेपालीहरुले आउँदो १० वर्षभित्र अमेरिकामा नेपाल र नेपालीको पहिचान स्थापित गर्न सक्नेछन् । जसले यहानेपालको राजनीतिभन्दा अमेरिकी राजनीतिमा प्रवेश गर्ने बाटाहरु पहिल्याउँदै जानेछन् ।

यी सबैलाई एक ढिक्का पार्नका लागि एनआरएन अमेरिकाले आफ्ना व्यक्तिहरुको झुण्ड खडा गरी क्षणिक आनन्द लिनुभन्दा योग्य व्यक्तिहरुको नेतृत्व तयार गरी सबैको साझा संस्था बन्नुपर्दछ । व्यक्तिगत तथा पारिवारिक हितभन्दा आम नेपालीको हितमा लागेर दिगो रुपमा अगाडि बढ्नुपर्ने टड्कारो आवश्यकता देखिन्छ ।