थ्यांक्सगिभिङ आउन तीनसाता बाँकी रहँदा न्युजर्सीमा ज्यूदा जंगली टर्कीको आतंक
प्रकाशित मिति : कार्तिक २३, २०७६ शनिबार
टर्कीको परिकार खाने थ्यांक्सगिभिङ आउन तीनसाता बाँकी रहँदा न्युजर्सीमा ज्यूदा जंगली टर्कीले आतंक मच्याएका छन् । अत्यन्तै आक्रमक जंगली टर्कीहरु समुदायमा प्रवेश गरेर आतंक मच्याएका हुन् ।
न्युजर्सीको टम्स रिभर क्षेत्रका कम्तीमा ५५ समुदायले त्यसक्षेत्रमा जंगली टर्कीहरु नियन्त्रणबाहिर गएको भन्दै उजुरी गरेका छन् । ४० देखि ६० वटासम्म टर्कीहरु कारको छेउमा आउने, ढोका छेक्ने, झ्याल तोड्ने र मान्छेहरुलाई टोक्ने प्रयास गरेको जनाइएको छ ।
#njmornings It’s no joke! Wild Turkeys ? taking over sections of Holiday City in #TomsRiver, Ocean County. My live reports this morning @News12NJ @RudyBode pic.twitter.com/eY2Z8Dwtcy
— Tony Caputo (@TonyCaputo) November 8, 2019
घरबाहिर निस्कनमा र कारमा चढ्नमा समेत समस्या भएको स्थानीयबासिन्दाले जनाएका छन् । कारमा चढ्न खोज्दा टर्कीले टोक्न खोज्ने गरेको उनीहरुले गुनासो गरेका छन् ।
स्थानीयहरुले बन्दुक पड्काएर तर्साउन खोजे पनि टर्कीहरु नतर्सिएको जनाइएको छ । उनीहरुले ती टर्कीहरुलाई खतरनाक कुकुरहरुसँग तुलना गरेका छन् ।
भाले टर्कीहरु २४ पाउण्डसम्म वजनका हुने र प्रतिघण्टा २० माइल कुद्न सक्ने बताएका छन् । न्युजर्सी राज्यमा हाल २० हजारदेखि २३ हजारसम्म जंगली टर्कीहरु रहेको जनाइएको छ ।
#njmornings It’s no joke! Wild Turkeys ? taking over sections of Holiday City in #TomsRiver, Ocean County. My live reports this morning @News12NJ pic.twitter.com/WCizSvwrpl
— Tony Caputo (@TonyCaputo) November 8, 2019