मोर्चाका नेता विपदमा, कार्यकर्ताबाट राजधानी छोड्न अल्टिमेटम (भिडियो)

प्रकाशित मिति : फाल्गुन २५, २०७३ बुधबार

सोमबारको सप्तरी घटनापछि देश तरंगीत छ । मधेसी मोर्चाले सरकारलाई सात दिने अल्टिमेट दिइसकेको छ । सात दिन भित्र आफ्नो माग पुरा नभए सरकारलाई दिएको समर्थन फिर्ता लिने यो अल्टिमेटमको पहिलो बटमलाईन हो । तर, मधेसी मोर्चालाई यस्तो आपत आइलाग्यो की, मोर्चा आफैलाई सात दिने अल्टिमेटम लागेको छ । मोर्चाका स्थानीय नेता कार्यकर्ताले आफ्ना शीर्ष नेतृत्वलाई सात दिने अल्टिमेटम दिएका छन् ।

सोमबार मधेसी मोर्चा सप्तरी र प्रहरीबीच भएको झडपमा प्रहरीको गोली लागेर मोर्चाका तीन जना कार्यकर्ताले ज्यान गुमाइसकेका थिए ( मृतकको संख्या चार पुगेको छ ) । त्यो समय, मोर्चाका शीर्ष नेतृत्व काठमाडौंमै थिए । तीन जनाको मृत्यु प्रस्चात हतार–हतार मोर्चाको बैठक काठमाडौंमा बस्यो । जुन, बैठकले नामै किटान गरेर आफ्ना चार जना कार्यकर्ताको हत्या भएको दावी गऱ्यो ( त्यो समय तीन जनाको मात्र मृत्यु भएको थियो ) । त्यतिखेर मधेस जल्न थालिसकेको थियो ।

मोर्चाका शीर्ष नेतृत्वको बैठक बस्नु अगावै मोर्चाको सप्तरी स्थित जिल्ला स्तरका कार्यकर्ताले अनिश्चितकालिन सप्तरी बन्द घोषणा गरिसकेका थिए । स्थानीय स्तरबाट घोषित अहान्दोलनलाई निरन्तरता दिदै शीर्ष नेतृत्वको बैठकले दुई दिन मधेस बन्द घोषणा गर्‍यो । आफ्ना तीन जना कार्यकर्ताको गोली लागेर मृत्यु भइसक्दा मोर्चाका स्थानीय नेता तथा कार्यकताले आफ्ना शीर्ष नेतृत्वको खाँचो सोमबार नै महसुस गरेका थिए । तर, मोर्चाका सबै शीर्ष नेता मधेस ओर्लन सकेनन् । अझै पनि उनीहरु राजधानीमै छन् । त्यसैले आन्दोलनमा रहेका जिल्लाका मधेसी मोर्चाका नेता–कार्यकर्ता आफ्नै नेतृत्व प्रति खनिन थालेका छन् ।

बिगतदेखीनै मधेसी मोर्चाका शीर्ष नेतृत्वप्रति आफ्नै कार्यकर्ताबाट आलोचना हुने गरेको छ । शीर्ष नेतृत्वले हुकुम दिनुको साटो फिल्डमै आएर आन्दोलनमा होमिनु पर्ने कार्यकर्ताले चाहना राख्दै आएका छन् । आफ्ना चार जना कार्यकर्ताले ज्यान गुमाइसक्दा पनि शीर्ष नेतृत्व मधेस झर्न नचाहेको जिल्लाका कार्यकर्ताले आरोप लगाइरहेका छन् । स्थानीय नेताहरु आफ्ना शीर्ष नेतृत्व सत्ताकै बार्गेनिङमा लागेको आरोप लगाउन थालेका छन् ।

मोर्चाका स्थानीय नेता कार्यकर्ताले शीर्ष नेतृत्व प्रति आरोप लगाउनु अस्वभाविक होइन । सोमबारको घटना लगत्तै बसेको मोर्चाको बैठकले सरकारलाई दिएको समर्थन फिर्ता लिने धम्किपूर्ण अनौपचारिक निर्णय गऱ्यो । तर, मोर्चाको यो निर्णय १२ घण्टा पनि टिक्न सकेन । मंगलबार बसेको बैठक मार्फत मोर्चा पुरै युट्रन भयो । सोमबार समर्थन फिर्ता लिने निर्णयमा पुगेको मोर्चा मंगलबार सात दिने अल्टिमेटममा युट्रन भयो । केही मागहरु राख्दै मोर्चाले सरकारलाई सात दिने अल्टिमेटम दियो । जुन अल्टिमेटम बुधबार बिहान मोर्चाले प्रधानमन्त्री प्रचण्डलाई बुझायो । यसले, मोर्चाका शीर्ष नेतृत्व सत्ता बार्गेनिङमा अल्झिएको स्थानीय कार्यकर्ताको आरोप पुष्टी गर्छ ।

यो, बार्गेनिङप्रति मोर्चाका जिल्ला स्तरीय नेता–कार्यकर्ता पुरै रुष्ट छन् । उनीहरु आफ्नै नेताहरुलाई चेतावनी दिइरहेका छन् । तत्काल राजधानी छोडेर फिल्डमा आन्दोलन गर्न नआए नेता विरुद्ध संघर्ष गर्ने उनीहरु चेतावनी दिइरहेका छन् ।

मधेसी मोर्चाका शीर्ष नेतृत्व सरकारलाई ७ दिने अल्टिमेटम दिएर राजधानीमै बसेका छन् । तर, उनै शीर्ष नेतृत्वलाई आफ्नै कार्यकर्ताको सात दिने अल्टिमेटम लागेको छ । सप्तरी स्थित मोर्चाका स्थानीय नेताले आफ्ना शीर्ष नेतृत्वलाई सात दिन भित्र मधेस झर्न अल्टिमेटम दिएका हुन । आठौं दिन मधेस नफर्के आफ्नै नेताको पुत्ला जनाउने स्थानीय नेताले चेतावनी दिइसकेका छन् ।

संविधान जारी भए यता नै मधेस असान्त छ । मधेस निरन्तर आन्दोलनमा छ । संविधान जारी भए यता नै ६० जनाभन्दा बढी मधेसी जनताले ज्यान गुमाइसकेका छन् । शीर्ष नेतृत्वले काठमाडौंबाट जारी गरेको हुकुम मानेर आन्दोलनमा होमिएकाहरुले ज्यान गुमाएको स्थानीय नेता कार्यकर्ताको बुझाइ छ । त्यसैले अब, स्थानीय नेता कार्यकर्ता शीर्ष नेतृत्व प्रति आक्रोस पोख्न बाध्य भएका हुन । मोर्चाका स्थानीय कार्यकर्ता मात्र होइन, मधेसी जनताको अधिकारका लागि पैरवी गरिरहेकाहरु समेत मोर्चाका नेता राजधानी छोडेर मधेस झर्नुपर्ने आवश्यकता देख्छन् ।

यो या त्यो वहानामा, मधेस असान्त छ । देशको एक भू–भाग पुरै असान्त हुँदा देश सान्त हुन सक्दैन । त्यसैले मधेस समस्या समाधान यतिखेरको खाँचो हो । तर, कुनै न कुनै वहानामा मधेस असान्त पार्ने काम सरकार, जिम्मेवार राजनीतिक दल र स्वयम मधेसी मोर्चाबाटै भइरहेको छ । यसको अन्त्य हुन आवश्यक छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com