Follow @khasokhasmag

१ सय ७ औं अन्तर्राष्ट्रिय श्रमिक महिला दिवस !


प्रकाशित मिति : फाल्गुन २५, २०७३ बुधबार

आज १ सय ७ औं अन्र्तराष्ट्रिय महिला दिवस विभिन्न कार्यक्रम आयोजना गरी मनाइदैछ । हरेक वर्ष मार्च ८ तारिखका दिन अन्तराष्ट्रिय श्रमिक महिला दिवस मनाउने गरिन्छ ।

नारी मुक्ति आन्दोलनकी प्रणेता क्लारा जेट्कीनले सन् १९११ मार्च ८ मा महिला कामदारमाथि भएको श्रम शोषणका विरुद्ध आवाज उठाएको दिनको स्मरणमा विश्वभर अन्तराष्ट्रिय श्रमिक महिला दिवस मनाउन सुरु गरिएको हो । नेपालमा पनि महिला दिवसको अवसरमा विभिन्न कार्यक्रम आयोजना गरिएको छ ।

आजको दिन महिला अधिकारका क्षेत्रमा काम गर्ने विभिन्न संघसंस्थाले -याली निकालेका छन् भने गोष्ठी तथा अन्तरक्रिया कार्यक्रमको आयोजना गरेका छन् ।

महिला दिवसको अवसरमा आज सरकारले सार्वजनिक बिदा समेत दिएको छ । यसैबीच अन्तराष्ट्रिय श्रमिक महिला दिवसको अवसरमा प्रधामन्त्री प्रचण्डले शुभकामना सन्देश जारी गर्नुभएको छ । सन्देशमा प्रधानमन्त्री प्रचण्डले विश्वभरका दिदीबहिनीहरुमा सुख, शान्ति, समृद्धिको हार्दिक शुभकामना व्यक्त गर्नुभएको छ । नेपालको राजनीतिक, आर्थिक, सामाजिक रुपान्तरणका क्षेत्रमा महिलाहरुको सहभागिता र नेतृत्व विश्वकै लागि अनुकरणीय रहँदै आएको बताउनु भएको छ ।

मुलुकको परिवर्तनका सबै आन्दोलनहरुमा नेपाली महिलाहरुले अग्रमोर्चा रहेर नेतृत्व गरेको तथ्य नेपाली राजनीतिक इतिहासमा स्वर्ण अक्षरले लेखिएको उल्लेख गर्नुभएको छ ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com