सुरुङभित्र फसेका चौथो मजदुरको पनि निकालियो शव
प्रकाशित मिति : कार्तिक १९, २०७६ मंगलबार
बझाङको बुंगल नगरपालिकामा निर्माणधिन कालंगा हाइड्रो पावरको सुरुङ भित्र थुनिएका चारै जनाको शव भेटिएको छ । सशस्त्र प्रहरी बल, नेपाल विपद् व्यवस्थापन तालिम शिक्षालाय कुरिनटार चितवनबाट आएको उद्धार टोलीले चार जनाको शव भेट्टाएको हो ।
जिल्ला प्रहरी कार्यालय बझाङका अनुषार सोमबार दिउँसो साढे ३ बजेको समयमा तिन जनाको शव सुरुङ भित्र भेटिएको हो भने एक जनाको शव मँगलवार भेटाएको हो । जिल्ला प्रहरी कार्यालय बझाङका प्रहरी प्रमुख गणेश बमका अनुषार चारै जना ‘मजदुरहरुको शवको भेटिएर पुस्टी भै सकेको बताए । हाइड्रो पावरमा काम गर्ने चार मजदुर आइतबार साँझ ४ बजेदेखि थुनिएका थिए सुरुङभित्र लगिएको अक्सिजनको पाइपलाइन एकाएक अवरुद्ध भएपछि उनीहरू निस्सासिएर मृत्यु भएको हो ।
सुरुङभित्र थुनिएकामध्ये दैलेखका कर्णबहादुर शाही, महेन्द्रबहादुर शाही, अछामका महेन्द्र साउद, र बझाङका शेरसिंह धामी थिए । सुरुङभित्र लगिएको अक्सिजनको पाइप लाइन अवरुद्ध भएपछि अन्य दुई मजदुर भने बाहिर निस्कन सफल भएका थिए। ३५ मेगावाट विद्युत् उत्पादन हुने अपर कालंगा हाइड्रो पावरको ५ किलोमिटर सुरुङ मध्ये ४ किलोमिटर सुरुङ निर्माण भइसकेको छ भने १ किलोमिटर सुरुङ् खन्न बाँकी छ