नेवा: नख: न्युयोर्कद्वारा सातौं सामुहिक म्ह पुजा (फोटो फिचर)
प्रकाशित मिति : कार्तिक १३, २०७६ बुधबार
– अशोक पन्त (तस्वीर )
नेवा: नख: न्युयोर्कले शेर्पा किदुगको हलमा सामुहिक म्ह पुजा कार्यक्रम सम्पन्न गरेको छ । कार्यक्रममा नेवा: समुदायका सदस्यहरु र नेपाली समुदायका बिभिन्न सदस्य तथा प्रतिनिधीहरूका साथै विदेशी पाहुनाहरूको पनि उपस्थिति रहेको थियो।
नख: द्वारा आयोजित म्ह पुजा, संस्थाका महा-सचिव डा. नरेश मान शाक्य द्वारा सहभागीहरूको परिचय गराउदै सञ्चालित कार्यक्रममा अतिथी सत्कार र दर्तामा संस्थाका कोषाध्यक्ष सुजन श्रेष्ठ, निरवर्तमान कोषाध्यक्ष दिपक कुमार प्रधान र रविन्द्र महर्जनले गरेका थिए ।
प्रथम उपाध्यक्ष महेन्द्र बीर बज्राचार्यले पुजामा सहाभागी सबै अतिथीहरूलाई स्वागत गदै, नख:को बारेमा छोटो परिचय दिदै नेपाल सम्बत ११४० (नयॉं बर्ष) को शुभकामना ब्यक्त गरेका थिए।
संस्थाका सल्लाहकार अजय मान छोचूंले म्ह पुजा र नेपाल सम्बतको महत्वको बारेमा जानकारी दिदै पुजा मन्त्रविधिबाट नेवा: बिधी पूर्बक म्ह पुजा सम्पन्न गराएका थिए।
नख:ले सबै सहभागीहरू लाई म्ह पुजा बिधी पनि बितरण गरिएको थियो ।
कार्यक्रममा प्रमुख अतिथि, नेपाल कन्सुलेटका महा बाणिज्यदुत पुष्प राज भट्टराईले नेपाल सम्वत ११४० को क्यालेण्डर विमोचन गरी नेपाल सम्वतको महत्व बारे प्रकाश पार्नु भै सबै नेपालीको स्वास्थ, सुख र उन्नतिको शुभकामना दिनुभएको थियो। यो नेपाल सम्वतको क्यालेन्डर नख: द्वारा अमेरिकामा चौंथो पटक प्रकाशित गरिएको थियो।
न्यूयोर्क सिटीका मेयर बिल दे बलाजियोले नेवा: नख: न्युयोर्कलाई पठाईएको शुभ-कामना सन्देश नख: का महा-सचिव डा. नरेश मान शाक्यले पढेर सुनाएका थिए ।
उक्त कार्यक्रममा संस्थाका अध्यक्ष विष्णुमान प्रधानले कार्यक्रममा सहभागी सम्पूर्ण अतिथीहरू, सहयोगीहरू, स्वयमसेवीहरू, नख:का सम्पूर्ण पदाधिकारी तथा सदस्यहरू र क्यालेन्डरका बिज्ञापनदाताहरू सबै लाई हार्दिक धन्यवाद ज्ञापन गरेका थिए भने कार्यक्रममा कुनै कमी-कमजोरी, त्रुटि भएमा क्षमायाचना पनि ब्यक्त गरेका थिए ।अध्यक्ष प्रधानले संसारभरी रहेका सम्पूर्ण नेपालीहरूलाई नेपाल सम्बत ११४० (नयॉं बर्ष) को शुभकामना पनि ब्यक्त गरेका थिए ।
महिला स्वयमसेवकहरू संस्थाका सचिव संगीता छोचूं, सह-कोषाध्यक्ष सलोनी वंत श्रेष्ठ, सदस्य नम्रता प्रधान, राधिका कुमारी श्रेष्ठ, कान्तेश्वरी डंगोल, श्रुती अमात्य, अनिता बज्राचार्य, लघु शाक्य, मोहिनी कर्माचार्य, मैना बज्राचार्य, उजिला प्रधान, सबिना शाक्य, मोनालिसा बज्राचार्य, दिपा महर्जन र मधु श्रेष्ठहरूले सहभागीहरूलाई पुजा गरी सगुन वितरण गरेका थिए भने, पुरूष स्वयमसेवकहरू नख:का सदस्य महेन्द्र कुमार बज्राराचार्य, गौतम कर्माचार्य, संजन प्रधान, जेनिश कर्माचार्य, मनिन्द्र कुमार बज्राचार्य, मृगेन्द्र कुमार बज्राचार्य, अनित श्रेष्ठ, सल्लाहाकार राज कुमार श्रेष्ठ, अभिशेक प्रधान र निकेश महर्जनहरूले नेपालमैं जस्तो गरी झ्व: भ्वय् (नेवा: भोज) खुवाएका थिए।
नेवा: नख: न्यूयोर्क, नेवारी परम्परा, चाड-पर्ब, कला र संस्कृतिको संरक्षण र प्रबर्दनकालागि २०११ मा न्युयोर्कमा स्थापना गरिएको संस्था हो । यो संस्थाले समुदायको हितका लागी बिभिन्न कार्यक्रमहरु गर्दै आएको छ।
