एनआरएन अमेरिकामा १५ सय सदस्य, डेडलाइन मार्च १५
प्रकाशित मिति : फाल्गुन २१, २०७३ शनिबार
एनआरएन अमेरिकाको सदस्यता लिने डेडलाइन नजिकिदै गर्दा अहिलेसम्म एनआरएन अमेरिकाका सदस्य संख्या झण्डै १५ सय पुगेका छन् । पहिले नै सदस्यता लिइसकेका झण्डै साढे २ सय आजिवन सदस्य र अहिलेसम्म सदस्यता लिएका १२५९ नयाँ गरी झण्डै १५ सयले सदस्यता लिइसकेका छन् ।
यसपटकको निर्वाचनमा मतदानका लागि योग्य हुने गरी एनआरएन अमेरिकाको सदस्यता यही मार्च मार्च १५ तारिख पूर्वीय समय अनुशार राती १२ बजेसम्म लिन सकिने छ । विगतमा प्रत्यक्ष फर्म भरेर सदस्यता वितरण गर्दा समस्या देखिएपछि यसपटक अनलाइनबाट मात्र सदस्यता लिनसकिने प्रावधान राखिएको छ ।
मार्च १५ पछि बन्ने सदस्यहरु यसपटकको चुनावमा मतदान गर्न योग्य नहुने एनआरएन अमेरिकाका बरिष्ठ उपाध्यक्ष कृष्ण पोखरेलले जानकारी दिए । मार्च १५ सम्म सदस्यता लिएकाहरुको त्यसलगत्तै प्रमाणिकरण सुरु गरिने र प्रमाणिकरणको प्रकृया झण्डै तीनहप्तामा पूरा हुने जनाईएको छ ।
सदस्यता फारम भर्न यहाँ क्लिक गर्नुहोला ।
आगामी डेढसातामा एनआरएन अमेरिकाको सदस्यता लिनेहरुको संख्या पहिलेको अनुपातमा निकै बढ्ने अनुमान गरिएको छ । तर अघिल्लो चुनावमा जति सदस्यता संख्या भने नपुग्ने देखिएको छ ।
