Follow @khasokhasmag

एक महिनामा मात्र वैदेशिक रोजगारीमा गएका २८ नेपाली अङ्गभङ्ग


प्रकाशित मिति : कार्तिक २, २०७६ शनिबार

वैदेशिक रोजगारीका लागि जाने नेपालीले जोखिमयुक्त काम गर्नुपर्ने बाध्यता छ । जसका कारण असोजमा मात्र २८ जनाको अङ्गभङ्ग भएको तथ्यांक छ ।

स्वदेशमा रोजगारीको पर्याप्त अवसर नहुँदा नेपाली युवाले विदेशी भूमिमा जोखिमपूर्ण काम गर्नुपर्ने बाध्यता रहेको गुनासो गरेका छन् ।

झापाका सुमन गुरुङ, झापाका राम्रो कमाइ हुने भन्दै सात वर्षअघि साउदी अरब पुगे । त्यही सवारी दुर्घटनामा परेर घाइते भएका सुमन अहिले साउदी अरबमै उपचार गराउँदै छन् ।

विदेशी भूमिमा सुमन जस्तै घाइतेको संख्या धेरै छ । असोजको तथ्यांक मात्र हेर्दा पनि उनी जस्ता २८ जनाको अङभङ भएको छ । कतिपयको त उपचारका क्रममा वा दुर्घटनामा परी मृत्यु समेत हुने गरेको छ । सुमन आफ्नो पीडा यसरी सुनाउँछन् ।

नेपालबाट दैनिक १५ सय वैदेशिक रोजगारीका शिलशिलामा विदेश जाने गरेका छन् । वैदेशिक रोजगार बोर्डको तथ्याङ अनुसार एक दशकको अवधिमा एक हजार २ सय ५२ युवा अङ्गभङ्ग भएर स्वदेश फर्र्केका छन् । कोही अझै पनि विदेशस्थित विभिन्न अस्पतालमा उपचाररत् छन् ।

विदेशका विभिन्न अस्पतालमा २७ नेपाली कोमामा पुगेको तथ्यांक छ । वैदेशिक रोजगारमा जादाँ त्यहाँको बारेमा उल्लेख्य जानकारी नहुँदा समस्या आउने गरेको बोर्ड बताउँछ । धेरै नेपाली कामदार मलेसिया, कतार, साउदी अरेबिया, दुबई जस्ता मुलुकमा जाने गरेका छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com