Follow @khasokhasmag

राष्ट्रपति सीसँगको बैठक ‘महान’ भयो : सभापति देउवा


प्रकाशित मिति : आश्विन २६, २०७६ आईतबार

चिनियाँ राष्ट्रपति सी जिनपिङ र नेपाली कांग्रेसका सभापति शेरबहादुर देउवाबीच भेटवार्ता भएको छ । दुई दिने नेपाल भ्रमणमा रहनु भएका चिनियाँ राष्ट्रपति सी र सभापति देउवाबीच शनिबार साँझ भेटवार्ता भएको हो ।

चिनियाँ समकक्षी सीको सम्मानमा राष्ट्रपति भण्डारीले साँझ होटल सोल्टीमा रात्रीभोज दिनुभएकाे थियाे । त्यसअघि देउवाले राष्ट्रपति सीलाई भेट्नु भएकाे हाे ।

भेटवार्तामा चिनका राष्ट्रपति सीले नेपाली कांग्रेस पार्टी र चीनकाे ऐतिहासिक सम्बन्ध रहेको बताउनुभयाे । उहाँले चिनियाँ जनता पार्टीको शासनकालमा चीन-नेपाल सम्बन्धमा नेपाली कांग्रेसले योगदान दिएकाे बताउनुभयाे ।

भेटपछि ट्विट गर्दै सभापति देउवाले राष्ट्रपति सीसँगको बैठक ‘महान’ भएको बताएका बताउनु भएकाे छ । भेटका क्रममा वर्षौंदेखिको दुई पक्षीय सम्बन्धलाई थप मजबुत बनाउने विषयमा छलफल भएको बताउनु भएकाे छ । राष्ट्रपति सीको भेटले नेपाल-चीन सम्बन्ध नयाँ उचाइमा पुगेको पनि बताउनु भएकाे छ ।

सभापति देउवाले व्यापार, उर्जा र पूर्वाधारका क्षेत्रहरूमा दुई देशले एक अर्काबाट ठूलो फाइदा लिनसक्ने उल्लेख गर्नुभएकाे छ ।

सभापति देउवाले नेपाली कांग्रेस लामो समयदेखि चिनियाँ कम्युनिस्ट पार्टीको साथमा रहेकोसमेत उल्लेख गरेका गर्नुभएकाे छ । देउवाले नेपाली पक्षले चीन नीतिलाई दृढतापूर्वक पालना गर्ने र  कुनै पनि सेनालाई नेपालमा चीनविरोधी विभाजनवादी गतिविधिमा संलग्न हुन नदिने बताउनुभयाे । देउवाले नेपाली कांग्रेसले सीपीसीसँग मैत्रीपूर्ण कुराकानी अगाडि बढाउन तयार रहेकाे पनि बताउनु भयाे ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com