Follow @khasokhasmag

‘एशिया प्रहरी सम्मेलन’ सम्पन्न


प्रकाशित मिति : आश्विन ९, २०७६ बिहीबार

नेपाल प्रहरी र रेडक्रसको अन्तर्राष्ट्रिय समिति आइसीआरसी को संयुक्त आयोजनामा काठमाडौँमा भएको तीन दिने ‘एशिया प्रहरी सम्मेलन’ आज सम्पन्न भएको छ । सम्मेलनको समापन गर्दै प्रहरी महानिरीक्षक सर्वेन्द्र खनालले क्षेत्रीय तहमा मानव अधिकारको प्रवद्र्धन गर्दै कानून कार्यान्वयन गर्न र विस्तृत रणनीति तयार गरी लागू गर्न सम्मेलनले महत्वपूर्ण सहयोग पु¥याउने विश्वास व्यक्त गर्नुभयो ।

समाजलाई सुरक्षित बनाउन तथा रणनीतिक रूपमा एक अर्कालाई सहयोग गर्न सबै सहभागी देशका उच्च सुरक्षा पदाधिकारी उत्साहित रहेको चर्चा गर्दै उहाँले अपराध नियन्त्रण गर्न सम्मेलनले थप सहयोग मिल्ने बताउनुभयो । समकालीन चुनौती र अवरोधको पहिचान, कानूनको शासन, कमाण्ड व्यवस्थापन र समुदाय प्रहरी साझेदारीले अख्तियार गरेको दृष्टिकोण सम्मिलित विभिन्न विषयमा छलफल भएको उहाँले उल्लेख गर्नुभयो ।

सो अवसरमा आइसीआरसी नेपालका मिसन प्रमुख आन्ड्रे पाक्केटले सम्मेलनको महत्व र सम्मेलनबाट प्राप्त निचोडहरु ज्यादै उपयोगी हुने उल्लेख गर्नुभयो । उहाँले आगामी दिनमा पनि नेपाल प्रहरीसँग सहकार्य गर्दै जाने प्रतिबद्धता व्यक्त गर्नुभयो । कार्यक्रममा सहभागीका तर्फबाट नेपाल प्रहरीका प्रहरी वरिष्ठ उपरीक्षक वसन्तकुमार पन्त र थाइल्याण्डका पुलिस मेजर जनरल अपिच्याट सुरिबोन्याले भनाइ राख्नुभएको थियो । सम्मेलनमा नेपालसहित १५ एशियन राष्ट्रका २५ जना उच्च प्रहरी अधिकारीको सहभागिता रहेको थियो ।

­­­–––

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com