Follow @khasokhasmag

अमेरिकामा सिकेको कुरा नेपालमा लागु गर्ने प्रहरी प्रवक्ताको प्रतिवद्धता


प्रकाशित मिति : भाद्र २५, २०७६ बुधबार

अमेरिका भ्रमणमा रहनुभएका नेपाल प्रहरीका प्रवक्ता एवं डिआईजी विश्वराज पोख्रेलले अमेरिकाको भ्रमण, अवलोकन र औपचारिक प्रशिक्षणबाट धेरै कुरा सिकेको र त्यो नेपालमा फर्केर लागु गर्ने बताउनुभएको छ । न्युयोर्कमा आयोजित स्वागत र भेटघाट कार्यक्रममा उहाँले अमेरिकाबाट सिकेको कुरा व्यवहारमा लागु गर्ने बताउनुभएको हो ।

कार्यक्रममा नेपाली प्रतिनिधिहरूले प्रश्नोत्तर सेसनमा सोधेको शान्ति सुरक्षा सम्बन्धी गम्भीर प्रश्नहरूको सबिस्तार र सहज जवाफ डिआईजी पोख्रेलले दिनु भएको थियो। प्रहरी र नागरिक समाजलाई फरक कित्तामा राखेर हेर्न नहुने भन्दै नेपाल प्रहरी प्रवक्ता डिआईजी पोख्रेलले देशमा शान्ति सुरक्षा कायम गर्न प्रहरी र नागरिक समुदायको सहकार्य अपरिहार्य हुने बताउनु भएको छ।

प्रहरीले भ्रष्टाचार गर्ने आफ्नै बहालवाला डिआईजीसम्मको उच्च पदको अफिसरलाई गिरफ़्तार गरेको र तल्लो तहको स्टाफलाई २ सय घुस लिएकै आधारमा जागिरबाट बर्खास्त गरेको भन्दै कुनै पनि अपराध र भ्रष्टाचार गरी कानुन उल्लंघन गर्नेलाई जिरो टलरेण्ट नीति अन्तर्गत कारवाही गर्दै आएको उल्लेख गर्नु भयो।

डिआईजी पोख्रेलको टोलीका नेपाल प्रहरीको तीन एसपीहरू र बन बिभागका ५ जना प्रतिनिधि मण्डल अमेरिकी सरकारको बन्यजन्तु संरक्षण सम्बन्धि एक महिने तालिम लिन आएको हो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com