ट्रम्प प्रशासनबाट आप्रवासी परिवारलाई अनिश्चितकाल अध्यागमन जेलमा राख्न अनुमति


प्रकाशित मिति : भाद्र ४, २०७६ बुधबार

ट्रम्प प्रशासनले कागजपत्रविहिन आप्रवासी परिवारलाई अनिश्चितकालसम्म अध्यागमन हिराशतमा राख्न सकिने प्रस्ताव बुधबार सार्वजनिक गरेको छ । अहिलेसम्म बालबालिकासहितका आप्रवासी परिवारलाई २० दिनसम्ममात्र अध्यागमन हिराशतमा राख्न सकिने नियम रहेको छ ।

होमल्याण्ड सेक्युरिटीका अधिकारी केभिन म्याकएलिनानले उक्त प्रस्ताव सार्वजनिक गरेका हुन् । पछिल्ला केहीमहिना यता ट्रम्प प्रशासनले आप्रवासीलाई ग्रिनकार्ड प्राप्त गर्न निकै कठिन हुनेगरी एकपछि अर्को नियमको घोषणा गरेको छ ।

अमेरिकी राष्ट्रपति डोनाल्ड ट्रम्पले बुधबार आफू सिमाक्षेत्रमा अमेरिका प्रवेश गर्ने कागजपत्रविहिन बालबालिकाका सन्दर्भमा चिन्तित रहेको बताउँदै नयाँ नियमले परिवारलाई एकसाथ राख्ने बताएका छन् । परिवारलाई अलग बनाउने कार्यक्रमका लागि बराक ओबामा जिम्मेबार रहेको आरोप समेत ट्रम्पले लगाएका छन् ।

फ्लोर्स सेटलमेन्ट नामको पूरानो नियम अनुशार सरकारले नन लाइसेन्स अध्यागमन हिराशतबाट कागजपत्रविहिन बालबालिकाहरुलाई जतिसक्दो छिटो रिहा गर्नुपर्ने प्रावधान रहेको थियो, जसको अधिकतम अवधि २० दिन तोकिएको थियो । तर नयाँ नियमले यो अवधिलाई बढाएर अनिश्चितकाल बनाएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com