टेक्सासमा बन्दुकको शिकार बनेका प्रज्ववललाई सहयोग रकम हस्तान्तरण
प्रकाशित मिति : श्रावण ३२, २०७६ शनिबार
अमेरिकाको टेक्सासमा बन्दुकको शिकार बनेका नेपाली प्रज्ववल कर्णलाई सहयोग रकम हस्तान्तरण गरिएको छ । नेपलिज हेरिटेज युनियनको पहलमा गो फन्ड मी मार्फत उठेको रकम हस्तान्तरण गरिएको हो ।
संस्थाका कार्यकारी अध्यक्ष बाबुराम बस्याल , उपाध्याय बसिल अर्याल र सचिब कर्ण बोगटीको उपस्थीतिमा ११२२ डलर ६६ सेन्टसको चेक हस्तान्तरण गरिएको हो । प्रज्ववलले सहयोग गर्ने सम्पूर्ण सहयोगी मनहरुलाई धन्यवाद दिनुभएको छ । साथै नेपलिज हेरिटेज युनियनको तर्फबाट पनि सहयोगीलाई धन्यवाद दिदै प्रज्ववलको शीघ्र स्वास्थयलाभको कामना गरिएको टेक्सासबाट सागर अर्यालले जानकारी दिए ।
प्रज्ववललाई गत मे २३ मा टेक्सासमा बन्दुकधारीले आक्रमण गरेका थिए । उनको पेटमा गोली लागेको थियो । ग्यास स्टेशनमा लुटेराहरुले उनीमाथि आक्रमण गरेका थिए । उनको अवस्था अत्यन्तै गम्भिर रहेको थियो भने कैयन सर्जरी गर्नुपरेको थियो ।