Follow @khasokhasmag

अमेरिकाको न्युजर्सीमा हुने क्षेत्रीय सम्मेलनमा एनआरएनको १३ बर्षे इतिहासको समिक्षा गरिने


प्रकाशित मिति : भाद्र २, २०७३ बिहीबार

 

-मित्र काफ्ले

एनआरएन आईसीसीले हरेक दुई बर्षमा गर्ने क्षेत्रीय सम्मेलन अमेरिकाको न्यूजर्सी राज्यको नेवार्क सिटीमा अगस्त महिनाको २७ र २८ तारिखमा गर्न सम्पूर्ण तयारी पूरा भइसकेको छ ।

डबलट्री हिल्टन् होटलमा हुने सम्मेलनमा संसारभरी छरियर बसेका ७२ देशहरुबाट झण्डै ७ सय एनआरएनहरुको उपस्थीति रहने एनआरएन अमेरिकामा महासचिव तिलक श्रेष्ठले जानकारी दिनुभयो ।

सम्मेलन सफलताका लागि एनआरएन आईसीसीका तर्फबाट अमेरिका क्षेत्रका लागि संयोजक सोनाम लामाको संयोवकत्वमा १४ सदस्यीय मुल समिति र अन्य २० वटा उपसमिती गठन गरिएको छ । कार्यक्रमस्थल न्युयोर्क सहर नजिकै रहेकाले पनि नेपालीहरुको बाक्लो उपस्थीति हुने अनुमान गरिएको छ । भिजन २०२० एण्ड बियोण्ड भन्ने नारासहित हुने सम्मेलनमा एनआरएनको १३ बर्षे इतिहासको विस्तृत समिक्षा हुने एनआरएन अमेरिकाका बरिष्ठ उपाध्यक्ष कृष्ण पोखरेलले जानकारी दिनुभयो ।

कार्यक्रमका लागि यतिबेला धमाधम दर्ता प्रकृया चलिरहेको छ । 

यसपटक सम्मेलनको मुख्य आकर्षणका रुपमा एनआरएन आईसीसी अध्यक्ष शेष घले, संस्थापक अध्यक्ष उपेन्द्र महतो, पूर्व अध्यक्षहरु देवमान हिराचन, जिवा लामिछाने, बरिष्ठ उपाध्यक्ष भवन भट्ट, कुमार पन्त एवं नेपाली ब्यापारी विनोद चौधरीको समेत उपस्थीति हुने भएको छ ।

एनआरएन आईसीसीले यसपटकको क्षेत्रीय सम्मेलन एनआरएन क्यानडालाई गर्न अनुरोध गरेपनि छोटो समयमा क्षेत्रीय सम्मेलनको तयारीमा प्राविधिक कठिनाइ पर्न सक्ने भन्दै एनआरएन क्यानडाले एनआरएन अमेरिकालाई अनुरोध गरेको थियो । एनआरएन क्यानडाले क्षेत्रीय सम्मेलनमा सहभागिताका लागि क्यानडाबासी सबै नेपालीहरुलाई अनुरोध समेत गरेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com