बाढी पहिरोमा मुत्यु हुनेको संख्या ५० पुग्यो
प्रकाशित मिति : असार २९, २०७६ आईतबार
अविरल वर्षा देशका विभिन्न स्थानमा बाढीपहिरो र डुबानमा परी शुक्रबारदेखि आइतबार दिउँसोसम्म ५० जनाको मृत्यु भएको छ। अबिरल वर्षापछि आएको बाढी, पहिरो र डुबानका कारण अहिलेसम्म मृत्यु हुनेको संख्या ५० पुगेको छ। प्रहरी प्रधान कार्यालयस्थित प्रहरी उपरीक्षक रमेश थापाका अनुसार बाढीपहिरोमा परी २२ महिला र २८ पुरुषको मृत्यु भएको छ ।
बाढी पहिरोमा परी काठमाडौंमा ३ जना, ललितपुरमा र भोजपुरमा ५ र ५ जना, ओखलढुंगामा ४ जना, मकवानपुर, खोटाङ, काभ्रे र सिन्धुलीमा ३र३ जना, धादिङ, झापा, बारा, धनुषा र डोल्पामा २र२ जनाको मृत्यु भएको छ। इलाम, उदयपुर, सुनसरी, पर्सा, रौतहट, महोत्तरी, सिराहा, रामेछाप, चितवन, पाल्पा र दाङमा १र१ जना गरी जम्मा ५० जनाको मृत्यु भएको हो।
आइतबार बिहानसम्मको विवरण अनुसार २५ जना घाइते भएका छन्। उनीहरुको सम्बन्धित स्थानीय अस्पतालमा उपचार भइरहेको छ।अहिलेसम्म ३३ जना बेपत्ता छन् । ११०४ जनाको सकुशल उद्धार बाढी पहिरोमा परेका काठमाडौंमा १ सय ८५ जना, ललितपुरमा ८ जना, उदयपुर १० जना, रौतहटमा २ सय जना, महोत्तरीमा ५ सय जना, सिराहामा २ जना, सर्लाहीमा १ सय जना, सप्तरीमा २५ जना, सिन्धुलीमा ७० जना तथा भक्तपुर, सुनसरी, मकवानपुर र खोटाङमा १र१ जना गरी जम्मा १ हजार १ सय ४ जनाको सकुशल उद्दार गरी सुरक्षित स्थानमा स्थानान्तरण गरिएको छ। बाढी पहिरोमा परी डोल्पामा ११ जना, सिन्धुलीमा ६ जना, ईलाम र मोरङमा ३र३ जना तथा काठमाडौं, ललितपुर, पाँचथर, झापा, उदयपुर, सुनसरी, पर्सा, महोत्तरी, रौतहट, सिराहा, धनुषा, र धादिङमा १र१ जना गरी ३५ जना वेपत्ता भएका छन् ।
वेपत्ताको खोजी कार्य जारी छ। साथै मकवानपुरमा ४ जना, ललितपुर र धनकुटामा ३र३ जना, भोजपुर, सुनसरी, काभ्रे र सिन्धुलीमा २र२ जना तथा काठमाडौं, भक्तपुर, खोटाङ, रामेछाप, धादिङ, दोलखा र चितवन १र१ जना गरी जम्मा २५ जना घाइते भएका छन् । घाइतेमध्ये १० महिला र १५ पुरुष रहेका छन्।
घाइतेहरूलाई उपचारको लागि स्थानीय अस्पताल लगिएको छ। अविरल वर्षाको कारण देशका विभिन्न स्थानमा आएको बाढी, पहिरो र डुवानबाट प्रभावित स्थानहरुमा भएको क्षति न्यूनीकरण र उद्दारमा सम्बन्धित प्रदेशका प्रहरी कार्यालयका प्रमुख, प्रहरी नायब महानिरीक्षकहरु लगायतका प्रहरी कर्मचारीहरु उद्धारमा सक्रिय रुपमा संलग्न रहेका छन् ।
साथै बाढी पहिरोको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, पहिरोमा पुरिएका धनमाल निकालेर सुरक्षा गर्ने काम समेत विभिन्न निकाय र स्थानीयवासीको समन्वय र सहयोगमा प्रहरीले गर्नुका साथै विभिन्न स्थानमा भएको बाटो अवरोध समेत प्रहरीले हटाउने कार्य गरिरहेको प्रहरीले जनाएको छ।
यस्तो छ मृतक तथा घाइतेको सूची
