Follow @khasokhasmag

अमेरिकामा १७ दिनदेखि हराइरहेका नेपाली युवा सकुशल भेटिए


प्रकाशित मिति : असार २७, २०७६ शुक्रबार

अमेरिकाको मेरिल्याण्डमा केहीदिनदेखि हराइरहेका नेपाली युवक आयुष दाहाल भेटिएका छन् । बाल्टिमोरमा बस्दै आएका २२ बर्षीय दाहाल शुक्रबार भेटिएका हुन् । भेटिएपछि उनलाई मेरिल्याण्डमा
एकजना नेपालीको घरमा राखिएको छ ।

उनी आफूहरुको सम्पर्कमा आइसकेको र विभिन्न सरकारी निकायबाट बेपत्ताका रुपमा जारी गरेका सुचनाहरु क्रमश हटाइने मेरिल्याण्डका राज्यका सांसद ह्यारी भण्डारीले खसोखासलाई जानकारी दिए । दाहालमा कुनै प्रकारको मानसिक वा शारिरिक समस्या नदेखिएको पनि भण्डारीले बताएका छन् ।

जुन महिनाको अन्तिमसाता आफू बस्दै आएको घरबाट निस्केका आयुष साथीभाई र नेपाल घरमा पनि सम्पर्कमा नभएपछि खोजी कार्य शुरु गरिएको थियो । आयुषलाई सकुशल भेटिएको र घरमा पनि जानकारी दिइसकिएको भण्डारीले बताए ।

आयुष मेरिल्यान्ड राज्यको ग्वेन ओक्समा आफ्ना साथी सम्मान बैद्यसँग कोठाभाडामा बस्दै आएका थिए । १५ दिनसम्म खोजी गर्दा पनि उनी नभेटिएपछि सार्वजनिक रुपमा अपिल समेत जारी गरिएको थियो ।

आयुश को फोनमा सम्पर्क गर्दा कुनै अपरिचित व्यक्तीले फोन उठाएएर आफूले उक्त फोन बल्टिमोरको इनर हार्वरमा मध्यरातमा बेन्चमा सुतिरहेको व्यक्तिबाट लिएको बताएका थिए । पछि उक्त फोन अफ रहेको थियो ।

आयुषले आफूले योर्क रोडको शेल ग्यास स्टेशनमा काम पाएको र उतै बस्ने भनेर हिडेका थिए । तर त्यस क्षेत्रमा रहेका कुनै पनि ग्यास स्टेशनमा सम्पर्क गर्दा उनको पत्तो लागेको थिएन ।

मेरिल्याण्डका राज्यका सांसद ह्यारी भण्डारीले अमेरिकामा पढ्न आउने नेपाली विद्यार्थीहरु आर्थिक अभाव लगायतका समस्याका कारण थप समस्यामा फस्ने गरेको र उनीहरुलाई सान्त्वनाको जरुरत रहेको बताएका छन् ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com