Follow @khasokhasmag

न्युयोर्कमा मुख्यमन्त्री राईको अन्तरकृया, एक नम्बर प्रदेशलाई आइटी हब बनाउने


प्रकाशित मिति : असार २२, २०७६ आईतबार

प्रदेश नम्बर १ का मुख्यमन्त्री शेरधन राईले नेपालीहरुले विदेशमा आर्जन गरेको सिप र दक्षतालाई नेपालको विकाशमा लगाउन आग्रह गर्दै आफूहरुले त्यसका लागि उचित वातावरण बनाउने आश्वासन दिनुभएको छ । अमेरिकाको न्युयोर्कमा आयोजित अन्तरकृया कार्यक्रममा बोल्दै राईले आफूले विदेशमा रहेका नेपालीले आर्जन गरेको क्षमता नेपालमा उपयोग गर्ने उचित समय भएको बताउनुभयो ।

नेपाली महावाणिज्यदूतावास न्युयोर्कको आयोजनामा न्युयोर्कको ज्याक्सनहाइटमा रहेको बेलोजिनो हलमा गरिएको कार्यक्रममा न्युयोर्कमा रहेका नेपालीहरुले मुख्यमन्त्री राईलाई विभिन्न सुझाव समेत दिएका थिए । राईले आफ्नो प्रदेशमा भइरहेका विकाशका गतिविधि र आगामी योजनाबारे जानकारी दिदै आफ्नो प्रदेशलाई डिजिटाइज्ड गर्ने दिशामा अग्रशर रहेको बताउनुभयो ।

शिक्षा, स्वास्थ्य लगायतका क्षेत्रमा विश्वमा विकाश भइरहेको पछिल्लो प्रविधिलाई निर्यात गर्नमा आफूहरु उत्सुक रहेको बताउँदै उहाँले प्रविधिमैत्री प्रदेशका रुपमा १ नम्बर प्रदेशलाई विकाश गर्न स्वीस सरकारको सहयोगमा काम गर्न लागेको समेत उहाँले जानकारी दिनुभयो । मुख्यमन्त्री राईले प्रविधिमैत्री डेस्कको सुरुवात गरिसकिएको समेत बताउनुभयो ।

संघीयतालाई जहाजसँग तुलना गर्दै राईले जहाज पूर्णरुपमा तयार नहुँदै आफूहरु निर्वाचित भएर आएको र जहाजका पाटपूर्जा मिलाएर छिट्टै तीब्रगतिको उडान भर्ने बताउनुभयो । उहाँले भन्नुभयो – ‘कतिपय पुराना पाटपुर्जाहरुलाई मर्मत गरेर, धोईपखाली गरेर मिलाउनुछ । कतिपय नयाँ पाटपुर्जाहरु तयार गर्नुछ । त्यसपछि हाम्रो तीब्रगतिको उडान सुरुहुन्छ ।’

मुख्यमन्त्री राईले संघीयतालाई सेतोहात्ति भन्नेहरु र संघीयता असफल भएको दावी गर्नेहरुको हल्लाका पछाडि नलाग्न सचेत समेत गराउनुभयो । संघीयतालाई असफल बनाउन संघीयताविरोधी प्रचार भइरहेपनि कुनै पनि हालतमा संघीयता विफल नहुने र मुलुकलाई समृद्धिको दिशामा लैजान आफुहरु संघीयताको मोडलमा गएको मुख्यमन्त्री राईले बताउनुभयो ।

मुख्यमन्त्री राईले एक नम्बर प्रदेशमा विकाशको पहिलो प्राथमिकतामा कृषिलाई अगाडि सारिएको बताउनुभयो । कृषिमा प्रदेशलाई आत्मनिर्भर बनाउन विभिन्न योजनाका साथ अगाडि बढेको समेत उहाँले बताउनुभयो ।

एकनम्बर प्रदेशको नामको बारेमा पाँचदलको सर्वसम्मतिबाट टुंगो लगाउने राईले जानकारी दिनुभयो । बिराट प्रदेश, सगरमाथा प्रदेश, सगरमाथा किराँत प्रदेश, किराँत प्रदेश, बिराट सगरमाथा प्रदेश जस्ता नामहरु प्रस्तावमा आएको र सबैको भावना समेटेर प्रदेशको नामाकरण गरिने उहाँले आस्वासन दिनुभयो ।

कार्यक्रममा संयुक्त राष्ट्रसंघका लागि नेपाली नियोगका स्थायी प्रतिनिधि अमृत राई र नेपाली महावाणिज्यदूतावास न्युयोर्कका पुष्पराज भट्टराईले ब्रेन गेन सेन्टरको विषयमा बोल्दै परराष्ट्रमन्त्रालयले आर्थिक कुटनीतिको विषयमा काम गर्ने बताउनुभयो । विदेशमा रहेका नेपालीहरुको ज्ञान, दक्षता र क्षमतालाई एकीकृत गर्ने उद्देश्यले ब्रेन गेन सेन्टरको स्थापना गरिएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com