अमेरिकाको स्वतन्त्रता दिवसमा ७५ सयलाई अमेरिकी नागरिकता दिइने
प्रकाशित मिति : असार १७, २०७६ मंगलबार
अमेरिकाको स्वतन्त्रता दिवसको अवशरमा झण्डै ७५ सय आप्रवासीहरुलाई अमेरिकी नागरिकता प्रदान गरिने युएससीआईएसले जनाएको छ । अमेरिकाको २४३ औं जन्मदिनको अवशरमा ११० वटा समारोहको आयोजना गरेर नागरिकता प्रदान गर्न लागिएको हो ।
सन् १७७६ मा जुलाई ४ मा स्वतन्त्रताको घोषणापत्र स्वीकार गरिएको थियो । उक्त दिनलाई आधुनिक अमेरिकाको जन्मदिनका रुपमा मनाउने गरिन्छ ।
युएससीआईएसले जुलाई १ देखि जुलाई ५ सम्म स्वतन्त्रता दिवस विशेष नागरिकता सपथ समारोहहरु गर्न लागेको हो ।
गतबर्ष स्वतन्त्रता दिवसको अवशरमा झण्डै १४ हजार आप्रवासीहरुलाई अमेरिकी नागरिकता प्रदान गरिएको थियो भने सन् २०१७ मा झण्डै १५ हजारलाई अमेरिकी नागरिकता प्रदान गरिएको थियो ।