रोजगारीको सुनिश्चितता गर्दै स्वरोजगारीको अवसर सृजना गर्नुपर्छ – संयोजक भट्टराई

प्रकाशित मिति : माघ २७, २०७३ बिहीबार

नयाँ शक्ति पार्टी नेपालका संयोजक डा. बाबुराम भट्टराईले श्रमिकहरुको रोजगारीको सुनिश्चितता गर्दै स्वरोजगारीको अवसर सृजना गर्नुपर्ने बताएका छन् । माघ २७ गते पार्टी केन्द्रीय कार्यालय बबरमहलमा कार्यक्रमलाई सम्बोधन गर्दै उनले पुँजीको अभावमा रोजगारीका अवसर सिर्जना नहुने र श्रमिकको अभावमा पुँजीको उचित परिचालन हुन नसक्ने स्थितिको अन्त्य हुनुपर्नेमा जोड दिए।

संयोजक भट्टराईले पुँजी लगानी गर्ने मालिक र श्रमको लगानी गर्ने श्रमिकबीच गतिशिल सन्तुलन कायम गरी अघि बढ्नुपर्ने बताए । उनले  नेपाल समाजवादी ट्रेड युनियन पुराना ट्रेड युनियनहरुको निरन्तरता नभई नयाँ सोँच, विचार र कार्यशैलीसहित शुरु गरिएको वैकल्पिक महासंघ भएको जिकिर गरे ।

स्वतन्त्र प्रजातान्त्रिक ट्रेड युनियन महासंघका पदाधिकारीलाई पार्टी प्रवेश गराउदै संयोजक भट्टरार्इले नेपाल समाजवादी ट्रेड युनियनमा षडयन्त्रमूलक व्यवहार नभई सहभागितामूलक निर्णय प्रक्रिया र समावेशि नेतृत्व हुने बताए ।

खगेन्द्र प्याकुरेलको नेतृत्वको स्वतन्त्र प्रजातान्त्रिक ट्रेड युनियन महासंघ एक कार्यक्रमकाबीच नया शक्ति पार्टी नेपालको नेपाल समाजवादी ट्रेड युनियन महासंघमा एकिकरण भएको हो । महासंघमा प्याकुरेल संगै कृष्णप्रसाद सुवेदी(बुहदल कान्छा), मणिकुमार घिमिरे, राजेश मैनाली, बलबहादुर तामाङ, पाण्डव प्रसाद थपलिया, सनक बहादुर मैनाली, पवनजंग मैनाली, राजकुमार श्रेष्ठ, सुरेन्द्र मोक्तान, सिता दाहाल, कृष्णकला ढकाल, बिन्दा गिरी, निर्मला पौडेल, सत्य नारायण चौधरी लगायत थिए।

कार्यक्रममा सुवेदी र प्याकुरेलले अन्य पार्टीका नेतृत्वभन्दा नयाँ शक्ति पार्टी र त्यसको नेतृत्वप्रति आफूहरु विश्वस्त रहेर समाजवादी ट्रेड युनियनमा एकीकृत भएको बताए । उनीहरुले नेपाल समाजवादी ट्रेड युनियनलाई एक नम्बरको ट्रेड युनियन बनाउने दाबी पनि गरे ।

कार्यक्रम नेपाल समाजवादी ट्रेड युनियन महासंघका संयोजक लालध्वज नेम्बाङ, नयाँ शक्ति पार्टी, नेपालका सह–संयोजक महेश कोर्मोचा, दुर्गा सोब, संगठन विभाग संयोजक देवेन्द्र पौडेल, आंगिक प्रदेश प्रमुख कुमार पौडेल, प्रवक्ता खिमलाल देवकोटा लगायतले रोजगारमुलक कार्यक्रममा श्रमिकको हक हितलाई प्राथमिकतामा राख्नुपर्ने बताएका थिए ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com