सत्य निरुपण तथा मेलमिलाप आयोगको म्याद थप
प्रकाशित मिति : माघ २७, २०७३ बिहीबार
सत्य निरुपण तथा मेलमिलाप आयोगको समयावधि एक वर्ष थप भएको छ।
बिहीबार बसेको मन्त्रिपरिषदको बैठकले आयोगको म्याद एक वर्ष थप गर्ने निर्णय गरेको सूचना तथा सञ्चारमन्त्री सुरेन्द्र कार्कीले जानकारी दिए। दुई वर्ष अघि गठन भएको सत्य निरुपण तथा मेलमिलाप आयोगको समयावधि बुधवार सकिएको थियो।
यस्तै बैठकले बेपत्ता छानविन आयोगको म्याद पनि एक वर्ष थप गरेको छ। आयोगले सिफारिस गरेबमोजिम दुवै आयोगको कार्यकाल एक वर्ष थप गर्ने निर्णय गरेको कार्कीले बताए।
तत्कालीन नेकपा माओवादीको १० वर्षे द्वन्द्वकालमा जघन्य मानव अधिकार उल्लंघनका घटनाबारे छानविन गर्न दुई वर्षअघि सरकारले आयोग गठन गरेको थियो।