KHASOKHAS ON GOOGLE NEWS CoronaVirus Fact Checking CoronaVirus News Update CoronaVirus: Stories of Hope CoronaVirus Resource Center File UI or PUA Claim Donate to Khasokhas KHASOKHAS E-MAGAZINE

आइसले पक्राउ गर्न खोजेमा वारेन्ट सोध्न र मौन बस्न सुझाव (भिडियो सहित)

प्रकाशित मिति : असार ८, २०७६ आईतबार

अमेरिकामा इमिग्रेशन एण्ड कस्टम इन्फोर्समेन्ट आइसले कुनै आप्रवासीलाई पक्राउ गर्न खोजेमा न्यायाधिसले हस्ताक्षर गरेको वारेन्ट अनिवार्य सोध्न कानुन व्यवसायी केशवराज सेडाईले सुझाव दिनुभएको छ । आइसको एजेन्ट घरमा आएमा न्यायाधिसले हस्ताक्षर गरेको आफ्नो नामको वारेन्ट भए नभएको सोधेर र हेरेरमात्र घरभित्र छिर्न दिनुपर्ने उहाँको सुझाव छ ।

कार्यक्रम टक अफ द टाउन इमिग्रेशन अपडेटमा खसोखासका प्रधानसम्पादक किशोर पन्थीसँग कुराकानी गर्दै सेडाईले भन्नुभयो – ‘घरको ढोकाको प्वालबाट वारेन्ट भित्र छिराउन लगाउनुहोस् । यदि वारेन्ट तपाईको नाममा छैन भने त्यसको जानकारी आइसलाई गराएर बिनम्रतापूर्वक त्यहाँबाट फर्कन आग्रह गर्नुहोस् ।’

आइसले पक्राउ गर्ने खतरामा हुनुहुन्छ ? यो कार्ड सधै बोकेर हिड्नुहोला ।पक्राउ गर्न खोजेमा वा पक्राउ गरेमा यो कार्ड दिनुहोला ।

Loading...

वारेन्टमा तपाईको नाम सुद्ध लेखिएको छैन, उक्त घरमा पहिले बस्ने कसैको नाम छ, तपाईले नचिनेका व्यक्तिको नाम छ वा न्यायाधिसको हस्ताक्षर छैन भने तपाईले ढोका खोल्न आवश्यक नरहेको सेडाईको सुझाव छ । यदि आफ्नो नाममा वारेन्ट छ भने मात्र ढोका खोल्नुपर्ने उहाँको भनाई छ ।

Loading...

तपाईको घरमा इमिग्रेशन एण्ड कस्टम इन्फोर्समेन्ट आइसका अधिकारी आएमा के गर्ने ? (आधादर्जन टिप्स)

पक्राउ पुर्जीका आधारमा आइसका एजेन्टले पक्राउ गर्न सक्ने भएतापनि तपाईको घरमा खानतलासी लिन नसक्ने भएकाले खानतलासीका लागि छुट्टै सर्च वारेन्ट आवश्यक हुने सेडाईले जानकारी दिनुभयो । यदि तपाईको नाममा पक्राउ आदेश जारी भएको छ र आइसले तपाईलाई पक्राउ गरेको खण्डमा तपाईसँग मौन बस्ने अधिकार भएको र उक्त अधिकारको प्रयोग गर्न समेत कानुन व्यवसायी सेडाईले जानकारी दिनुभयो ।

आफूलाई मौन बस्ने अधिकार भएको भन्दै आइसले सोधेका कुनै प्रश्नको जवाफ नदिन, कुनै कागजातमा हस्ताक्षर नगर्न र आफूले कानुन व्यवसायी लिने कुराको जानकारी आइससमक्ष गराउन सेडाईले सुझाव दिनुभएको छ । यदि घरबाहिर आइसका एजेन्टले पक्राउ गरेको खण्डमा पनि मौन बस्ने अधिकार प्रयोग गर्न सकिने उहाँको भनाई छ ।

कुराकानीको पूरै भिडियो यहाँ हेर्नुहोला ।

घरभित्र विना वारेन्ट प्रवेश गर्न नदिनुहोस् ।

मौनबस्ने अधिकारको प्रयोग गर्नुहोस् ।

सर्च वारेन्ट नभएसम्म तपाईको व्यक्तिगत सम्पत्तिमा सर्च गर्न नदिनुहोस् ।

कुनै कागजातमा हस्ताक्षर नगर्नुहोस् ।

आइससँगको कुराकानीको अडियो वा भिडियो रेकर्ड गर्नुहोस् ।

 

चित्र : एनवाईआईसी

भिडियो हेर्नुहोस्

थप रोचक शीर्षकहरु

KHASOKHAS TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com
WP2Social Auto Publish Powered By : XYZScripts.com