ट्वाइलेट क्लिनर मिसाउने पानीपुरीवालालाई ६ महिना जेल
प्रकाशित मिति : माघ २४, २०७३ सोमबार
पानीपुरीमा ट्वाइलेट क्लिनर मिसाएर बेचेको पुष्टी भएपछि एकजना पानीपुरीवालालाई अदालतले ६ महिनाको जेल सजाय सुनाएको छ । गुजरातको लाल दर्वाजामा पानीपुरी बेच्ने एकजनालाई शनिवार विशेष अदालतले ६ महिनाको जेल सजाय सुनाएको हो ।
अहमेदावाद नगर कर्पोरेशनले ती पानीपुरीवालाबिरुद्ध मुद्दा दायर गरेको थियो । स्थानीयवासिन्दाले पानीपुरीवालाले पानीमा केही मिसाएको भन्दै उजुरी गरेपछि अदालतमा मुद्दा दायर गरिएको थियो ।
पानीपुरीवालाको पानीपुरी बनाउने झोल खाद्य ल्याबमा परिक्षण गर्दा ट्वाइलेट क्लिनर मिसाएको पुष्टी भएको थियो । पानीपुरीमा ओक्सालिक एसिड भेटिएपछि अदालतले पानीपुरीवालालाई दोषी ठहर गरेको हो ।