आप्रवासीको बण्ड सुनुवाईबारे ट्रम्प प्रशासनबिरुद्ध मुद्दा दायर - KHASOKHAS

आप्रवासीको बण्ड सुनुवाईबारे ट्रम्प प्रशासनबिरुद्ध मुद्दा दायर

अध्यागमन जेलमा राखिएका आप्रवासीहरुलाई धरौटीमा रिहा गर्नमा समस्या भएको भन्दै ट्रम्प प्रशासनबिरुद्ध मुद्दा दायर गरिएको छ । सरकारले आप्रवासीहरुलाई धरौटीमा रिहा हुने मौका नदिइकनै गैरकानुनी रुपमा जेलमा राखेको भन्दै अमेरिकन सिभिल लिबर्टीज युनियनले मुद्दा दायर गरेको हो ।

धरौटीको सुनुवाईमा आप्रवासीले आफू समाजका लागि खतरा नभएको र भाग्ने सम्भावना नरहेको प्रमाणित गर्नुपर्ने व्यवस्थाले संविधानको उल्लंघन गरेको भन्दै मुद्दा दायर गरिएको हो । उक्त कुरा प्रमाणित गर्न नसक्दा कैयन आप्रवासीहरु जेलमा बस्नुपरेको जनाइएको छ ।

मुलुकमा कुनै पनि व्यक्तिलाई जेलभित्र राख्नका लागि सरकारको त्यसको कारण प्रमाणित गर्न सक्नुपर्ने भएपनि आप्रवासीको सन्दर्भमा त्यो लागु नभएको अधिकारकर्मीहरुको दावी छ । आप्रवासीलाई जेलमा राख्नुपर्नाको कारण प्रमाणित गर्ने काम सरकारको भएको अधिकारकर्मीको भनाई छ ।

 

शुक्रबार, जेष्ठ ३१, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com