Follow @khasokhasmag

यसकारण फेल हुन्छ मिर्गौला


प्रकाशित मिति : जेष्ठ २९, २०७६ बुधबार

मिर्गौलाको मुख्य काम रगतलाई फिल्टर गरेर टक्सिन अर्थात् विषाक्त वस्तुलाई पिसाबको माध्यमबाट बाहिर निकाल्नु हो । जसले रगतमा पानी, नुन तथा अन्य खनिज पदार्थलाई सन्तुलित बनाएर राख्छ । कुनै कारणवश मिर्गौलाले रगत फिल्टर गर्न वा फोहर वस्तुलाई बाहिर निकाल्न नसकेमा फेल भएको मानिन्छ र जसलाई ‘एन्ड स्टेज रिनल डिजिज’ पनि भनिन्छ । मिर्गौला फेल हुनुका कारण यस्ता छन् ।

उच्च रक्तचाप
उच्च रक्तचाप मिर्गौला फेल हुनुको प्रमुख कारण हो । रक्तचापका कारण धमनीमा अत्यधिक दबाब पर्ने भएकाले मुटुका साथै मिर्गौलामा समेत असर पु¥याइरहेको हुन्छ । गलत खानपानले रक्तचाप बढाउने गर्छ, जसको सोझो असर मिर्गौलामा पर्छ ।

मधुमेह
अस्वस्थ जीवनशैली र गलत खानपानका कारण मधुमेहको समस्या बढ्दै गइरहेको छ । यदि, रोगीले मधुमेह नियन्त्रण गर्न सकेनन् भने शरीरमा अत्यधिक ग्लुकोज जम्मा हुन्छ । जसले गर्दा मिर्गौलाले रगत फिल्टर गर्न सक्दैन । फलस्वरूप मिर्गौलामा विशाक्त पदार्थ जम्मा भएर फेल हुने सम्भावना बढेर जान्छ ।

मिर्गौलामै समस्या
मिर्गौलासम्बन्धी अन्य विभिन्न समस्या पनि मिर्गौला फेल हुनुका कारण हुन् । मिर्गाैलामा हुने समस्या अर्थात् क्रोनिक किड्नी डिजिजले बिस्तारै यसको कार्य क्षमतामा ह्रास ल्याउँछ । त्यस्तै, पत्थरीका कारणसमेत मिर्गाैला फेल हुन सक्छ ।

वंशाणुगत गुण
मिर्गौला फेल हुनुको एउटा कारण वंशाणुगत गुण पनि हो । यदि, कुनै मानिसमा मिर्गौलासम्बन्धी समस्या छ भने उसको बच्चामा पनि मिर्गाैला फेल हुने सम्भावना रहन्छ ।

अन्य
तनावका कारण पैदा हुने हार्मोनले मिर्गाैलामा नोक्सानी पु-याउँछ । त्यस्तै, अस्वस्थ जीवनशैली तथा गतिहीन दिनचर्या भएको व्यक्तिमा टक्सिनको मात्रा बढ्ने गर्छ । मिर्गौलाले यस्ता टक्सिनलाई बाहिर निकाल्न पाउँदैन, जसकारण फेल हुने सम्भावना बढेर जान्छ । साथै, धूम्रपान र मध्यपान बढी सेवन गर्ने मानिसमा पनि मिर्गौलासम्बन्धी समस्या धेरै हुन्छ ।

डा.पुकारचन्द्र श्रेष्ठ,कार्यकारी निर्देशक नेपाल मानव अंग प्रत्यारोपण केन्द्र्र काठमाडौं

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com