युएससीआईएसको नयाँ कार्यकारी निर्देशकमा जन्मसिद्ध नागरिकताको विरोध गर्ने हार्डलाइनर केन

युएससीआईएसका नयाँ कार्यकारी निर्देशकमा केन कुसिनेलीलाई नियुक्त गरिएको युएससीआईएसले जनाएका छन् । उनले जुन १० देखि आफ्नो कार्यभार सम्हालेका छन् ।

कुसिनेलीले १९ हजार कर्मचारी रहेको युएससीआईएसको नेतृत्व गर्नेछन् । आर्थिक बर्ष २०१८ मा मात्र युएससीआईएसले ८७ लाख अध्यागमन सुविधाका आवेदनहरुमा फैसला लिएको थियो ।

कुसिनेलीले सन् २०१० देखि २०१४ सम्म भर्जिनियाका महान्यायाधिवक्ताका रुपमा काम गरेका थिए । सन् २००२ देखि २०१० सम्म उनले भर्जिनियाको सिनेटमा काम गरेका थिए । उनीसँग २५ बर्षसम्म अमेरिकी कानुनको अभ्यास गरेको अनुभव समेत रहेको छ ।

डेमोक्र्याट्स, रिपब्लिकन र अध्यागमन एड्भोकेटहरुको विरोधका बाबजुत ट्रम्प प्रशासनले कुसिनेलीलाई युएससीआईएसको कार्यकारी निर्देशकमा नियुक्त गरेको हो । अध्यागमनका क्षेत्रमा हार्डलाइनरका रुपमा परिचित उनले युएससीआईएसलाई प्रभावकारी बनाउन काम गर्ने प्रतिबद्धता जनाएका छन् ।

कुसिनेलीले विगतमा जन्मजात नागरिकताको अधिकार अन्त्यका लागि समेत वकालत गरेका थिए । त्यस्तै उनले कागजपत्रविहिन आप्रवासीलाई सिमाक्षेत्रबाटै फर्काउनुपर्ने धारणा राख्दै आएका थिए । डेमोक्रेटिक नेताहरुले उनी आप्रवासीविरोधी व्यक्तित्व भएको बताएका छन् ।

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

प्रबन्ध निर्देशक : ...
सम्पादक : ...

Contact Us

सूचना विभागमा दर्ता नं. : 2075/..

© 2018 All Right Reserved
DEVELOPED BY appharu.com
WP2Social Auto Publish Powered By : XYZScripts.com